സ്വന്തം ലേഖിക
കല്പറ്റ: വയനാട്ടില് ലോറിയും കെഎസ്ആര്ടിസി ബസും കൂട്ടിയിടിച്ച് അപകടം. പതിനഞ്ചോളം പേര്ക്ക് പരിക്കേറ്റു. ഇന്ന് രാവിലെയാണ് അപകടമുണ്ടായത്.
കൈനാട്ടിക്ക് സമീപമാണ് ലോറിയും കെഎസ്ആര്ടിസി ബസും കൂട്ടിയിടിച്ചത്. നടവയലില് നിന്നും രാവിലെ ചങ്ങനാശ്ശേരിയിലേക്ക് പുറപ്പെട്ട ബസ്സാണ് ഇന്ന് രാവിലെ 6.45 ഓടെ അപകടത്തില്പ്പെട്ടത്. ലോറി ഡ്രൈവറായ കര്ണാടക സ്വദേശി ചന്ദ്രന് കാലിന് ഗുരുതര പരിക്കേറ്റു. ക്യാബിനില് കുടുങ്ങിപ്പോയ ഇദ്ദേഹത്തെ ഫയര് ഫോഴ്സെത്തിയാണ് രക്ഷിച്ചത്.
Whatsapp Group 1 | Whatsapp Group 2 |Telegram Group
ബസ് യാത്രക്കാരായ ഷഹാന, ഫ്രാന്സിസ്, നീനു, ഉഷാ ഭായ്, നസീമ മില്ലുമുക്ക്, മണികണ്ഠന് കമ്പളക്കാട്, ആയിഷ, ബസ് ഡ്രൈവര് കോട്ടയം സ്വദേശി ബാവന്, കണ്ടക്ടര് അരുണ്, വിനീത പുല്പ്പള്ളി എന്നിവര്ക്കാണ് പരിക്കേറ്റത്. ഇവർ കല്പ്പറ്റ നഗരത്തിലെ സ്വകാര്യ ആശുപത്രിയില് ചികിത്സയിലാണ്. നാല് പേര് കല്പ്പറ്റ ജനറല് ആശുപത്രിയിലും ചികിത്സ തേടി. ഇവരുടെ പരിക്ക് സാരമുള്ളതല്ലെന്നാണ് അധികൃതര് അറിയിച്ചത്.
