കൊച്ചി നഗരത്തിൽ വൻ തീപിടുത്തം

സ്വന്തം ലേഖകൻ

കൊച്ചി: കൊച്ചി നഗരത്തിൽ വൻ തീപിടിത്തം. സൗത്ത് റെയിൽവേ സ്റ്റേഷനു സമീപമുള്ള പാരഗൺ ചെരിപ്പു കമ്പനിയുടെ ഗോഡൗണിനാണ് തീ പിടിച്ചത്.അഞ്ചുനിലയുള്ള കെട്ടിടമാണിത്. പതിനൊന്നരയോടെയാണ് തീപടർന്നത്.

അഗ്നിരക്ഷാ സേന സ്ഥലത്തെത്തി തീ നിയന്ത്രണ വിധേയമാക്കാൻ ശ്രമിക്കുകയാണ്. ആളപായമില്ലെന്നാണ് പ്രാഥമിക നിഗമനം. കെട്ടിടത്തിൽനിന്ന് കനത്തപുക ഉയരുന്നുണ്ട്.

സമീപത്തെ കെട്ടിടങ്ങളിലേക്ക് തീ പടരാതിരിക്കാനുള്ള നടപടികൾ സ്വീകരിച്ചിട്ടുണ്ട്. കൂടാതെ സമീപ പ്രദേശത്തുനിന്ന് ആളുകളെയും ഒഴിപ്പിച്ചിട്ടുണ്ട്.