പെട്രോള്‍ പമ്പിലെ മോഷണം;; മോഷണം പോയത് മുക്കു പണ്ടമാണെന്നു യുവതിയുടെ മൊഴി ; സ്വര്‍ണമാലയ്ക്ക് പകരം അമ്മ മുക്കുപണ്ടം വച്ചത് അറിയില്ലായിരുന്നുവെന്ന് യുവതി
സ്വന്തം ലേഖകൻ
കോഴിക്കോട്: കൊടുവള്ളിയിലെ പെട്രോള്‍ പമ്പില്‍ നിന്നു മോഷണം പോയത് മുക്കു പണ്ടം. ജീവനക്കാരിയുടെ ബാഗില്‍ ഉണ്ടായിരുന്നത് മുക്കുപണ്ടമായിരുന്നുവെന്നു പരാതിക്കാരി തന്നെയാണ് പോലീസിനെ അറിയിച്ചത്. അതേസമയം, തന്റെ സ്വര്‍ണമാല മോഷണം പോയെന്നായിരുന്നു യുവതി നേരത്തെ പരാതിപ്പെട്ടത്.
എന്നാല്‍ ബാഗിലുണ്ടായിരുന്ന സ്വര്‍ണമാല യുവതിയുടെ അമ്മ എടുത്തു പകരം മുക്കുപണ്ടം അതില്‍ വെച്ചിരുന്നു. ഇക്കാര്യം അറിയില്ലായിരുന്നുവെന്നും അതിനാലാണ് സ്വര്‍ണമാല മോഷണം പോയതെന്നു പരാതിപ്പെട്ടതെന്നുമാന് ഇപ്പോൾ യുവതി പൊലീസിന് നൽകിയ വിവരം.
Whatsapp Group 1 | Whatsapp Group 2 |Telegram Group
കൊടുവള്ളി വെണ്ണക്കാടുള്ള പെട്രോള്‍ പമ്പില്‍ ഇന്നലെയാണ് മോഷണം നടന്നത്. പമ്പിലെ ജീവനക്കാരുടെ ഷെല്‍ഫില്‍ നിന്ന് നിന്ന് 3,000 രൂപയും മാലയുമാണ് മോഷണം പോയത്. തുടര്‍ന്ന് സി സി ടി വി ദൃശ്യങ്ങള്‍ പരിശോധിച്ചപ്പോഴാണ് പ്രതികളെ തിരിച്ചറിഞ്ഞു. 17 വയസുകാരനടക്കം രണ്ടുപേരെ പോലീസ് പിടികൂടുകയും ചെയ്തു. പ്രതികള്‍ക്കെതിരെ കേസെടുത്തിട്ടുണ്ടെന്നു പോലീസ് പറഞ്ഞു.
