പശുവിനെ അഴിക്കാന്‍ പോയി; കാട്ടാനയുടെ ആക്രമണത്തില്‍ മധ്യവയസ്‌കന് ദാരുണാന്ത്യം

സ്വന്തം ലേഖകൻ

മലപ്പുറം: കാട്ടാനയുടെ ആക്രമണത്തില്‍ മധ്യവയസ്‌കനു ദാരുണാന്ത്യം. മലപ്പുറം പോത്തുകല്ലിലാണ് സംഭവം. ചെമ്പങ്കൊല്ലി സ്വദേശി പാലക്കാട്ടു തോട്ടത്തില്‍ ജോസാണ് മരിച്ചത്.

വന പ്രദേശത്തിനോടു ചേര്‍ന്നുള്ള ജനവാസ മേഖലയാണിത്. വൈകീട്ട് പശുവിനെ ആഴിക്കാന്‍ പോയപ്പോഴാണ് ആക്രമണം.

സമീപത്തുകൂടെ പോയ ഒരാളാണ് ചോരയില്‍ കുളിച്ചു കിടക്കുന്ന ജോസിനെ കണ്ടത്. ആശുപത്രിയിലെത്തിച്ചെങ്കിലും മരണം സംഭവിച്ചു. പോസ്റ്റുമോര്‍ട്ടത്തിനു ശേഷം മൃതദേഹം ബന്ധുക്കള്‍ക്ക് വിട്ടു നല്‍കും. നേരത്തെയും ഈ പ്രദേശത്ത് കാട്ടനായുടെ ആക്രമണമുണ്ടായിരുന്നു.