കോട്ടയം കുമരകം ബോട്ട് ജെട്ടിയിൽ യാത്രക്കാരെ വരവേൽക്കുന്നത് തെരുവ് നായ്ക്കൾ.

സ്വന്തം ലേഖകൻ

കുമരകം: കോട്ടയം കുമരകം ബോട്ട് ജെട്ടിയിൽ യാത്രക്കാരെ വരവേൽക്കുന്നത് തെരുവ് നായ്ക്കൾ. യാത്രക്കാർക്ക് പ്രയോജനമില്ലെങ്കിലും നായകൾക്ക് ഇവിടം സുഖവാസം. രാവിലെ മുതൽ നായക്കൂട്ടങ്ങൾ യാത്രക്കാരിൽ ഭീതി പരത്തുന്നു.

അക്രമകാരികളായ നായകളെ കൊണ്ട് പൊറുതിമുട്ടിയിരിക്കുകയാണ് നാട്ടുകാർ.ലക്ഷങ്ങൾ ചിലവാക്കി നിർമ്മിച്ച കുമരകം ബോട്ട് ദുരന്ത സ്മാരകം പ്രയോജനമില്ലാതെ നശിച്ചുകൊണ്ടിരിക്കുന്നു. യാത്രക്കാർക്ക് പ്രയോജനമില്ലെങ്കിലും നായകൾക്ക് അത് ഉപകാരമാണ്.

ബോട്ട് യാത്രാ അസോസിയേഷൻ തെരുവുനായ്ക്കളുടെ ശല്യം ഒഴിവാക്കി യാത്രക്കാർക്ക് സുരക്ഷ ഉറപ്പാക്കണം എന്ന് ആവശ്യപ്പെട്ടു.