സ്വന്തം ലേഖകൻ
കടുത്തുരുത്തി: ലോറിയെ മറികടക്കുന്നതിനിടെ നിയന്ത്രണം വിട്ട പിക്കപ്പ് വാന്‍ പോലീസ് ജീപ്പിലും കാറിലും ഇടിച്ച്‌ അപകടം. അപകടത്തില്‍ ആര്‍ക്കും പരിക്കില്ല. മൂന്നുവാഹനങ്ങള്‍ക്കും തകരാറുകള്‍ സംഭവിച്ചു. ഇന്നലെ വൈകുന്നേരം ആറോടെ ഏറ്റുമാനൂര്‍-തലയോലപ്പറമ്ബ് റോഡില്‍ കുറുപ്പന്തറ പഴേമഠം ജംഗ്ഷന് സമീപമാണ് അപകടം.
കോട്ടയം ഭാഗത്തേക്കു ലോഡുമായി പോവുകയായിരുന്ന പിക്കപ്പ് വാന്‍ ലോറിയെ മറികടക്കുന്നതിനിടെ കടുത്തുരുത്തി ഭാഗത്തേക്കു വന്ന പോലീസ് ജീപ്പിലും പിന്നാലെ വന്ന കാറിലും ഇടിക്കുകയായിരുന്നു. പിക്കപ്പിടിച്ച്‌ നിയന്ത്രണം വിട്ട കാര്‍ സമീപത്തെ മതില്‍ക്കെട്ടിലിടിച്ചാണ് നിന്നത്.
Whatsapp Group 1 | Whatsapp Group 2 |Telegram Group
പോലീസ് ജീപ്പ് നിയന്ത്രണം വിട്ട് പിക്കപ്പ് വാനിനു പിന്നാലെയെത്തിയ ലോറിയിലും ഇടിച്ചു. പുതുപ്പള്ളി തെരഞ്ഞെടുപ്പ് ഡ്യൂട്ടിക്കു പോയശേഷം തിരികെ വരികയായിരുന്ന കടുത്തുരുത്തി പോലീസ് സ്റ്റേഷനിലെ ജീപ്പാണ് അപകടത്തില്‍പ്പെട്ടത്. ഡ്രൈവര്‍ മാത്രമാണ് ജീപ്പിലുണ്ടായിരുന്നത്.
