പെരുവന്താനം പഞ്ചായത്ത് പ്രസിഡന്റായി കോണ്‍ഗ്രസിലെ നിജിനി ഷംസുദീനെ തെരഞ്ഞെടുത്തു

സ്വന്തം ലേഖകൻ 

പീരുമേട്: പെരുവന്താനം പഞ്ചായത്ത് പ്രസിഡന്റായി കോണ്‍ഗ്രസിലെ നിജിനി ഷംസുദീനെ തെരഞ്ഞെടുത്തു. നിജിനിക്ക് 8 വോട്ടും സി.പി. എം ലെ പ്രഭാവതി ബാബുവിന് 6 വോട്ടും ലഭിച്ചു.

കോണ്‍ഗ്രസിലെ മുൻ ധാരണ പ്രകാരം ഡൊമിന സജി രാജിവച്ചതിനെ തുടര്‍ന്നാണ് തെരഞ്ഞെടുപ്പു നടന്നത്.

ആദ്യത്തെ രണ്ടര വര്‍ഷക്കാലം ഡോമിന സജിയ്ക്കും, പിന്നിടുള്ള രണ്ടര വര്‍ഷക്കാലം നിജിനി ഷംസുദ്ദീനുമാണ് കോണ്‍ഗ്രസിലെ മുൻധാരണ. പീരുമേട് ഡെപ്യൂട്ടി ലേബര്‍ ഓഫിസര്‍ എം.എസ് സുരേഷായിരുന്നു വരണാധികാരി.