നെടുമ്പാശേരി വിമാനത്താവളത്തിൽ വൻ സ്വർണ്ണവേട്ട; പിടിച്ചെടുത്തത് രണ്ടേ മുക്കാൽ കിലോ സ്വർണ്ണം; യുവതിയും യുവാവും അറസ്റ്റിൽ 

സ്വന്തം ലേഖകൻ 

കൊച്ചി: നെടുമ്പാശേരി വിമാനത്താവളത്തിൽ വൻ സ്വർണ്ണവേട്ട. രണ്ടേമുക്കാൽ കിലോ സ്വർണ്ണമാണ് പിടികൂടിയത്. സംഭവവുമായി ബന്ധപ്പെട്ട് രണ്ട് യാത്രക്കാർ അറസ്റ്റിലായി.

കൊല്ലം സ്വദേശിയായ ആനന്ദവല്ലി വിജയകുമാറിനെയും കോഴിക്കോട് സ്വദേശിയായ സഫീറിനെയുമാണ് അറസ്റ്റ് ചെയ്തത്. ഇരുവരുടെയും കൈയിൽ നിന്ന് ഒരു കോടി നാൽപ്പത് ലക്ഷം രൂപയുടെ സ്വർണ്ണമാണ് പിടികൂടിയത്.

കഴിഞ്ഞ ദിവസം കണ്ണൂർ വിമാനത്താവളത്തിൽ നിന്നും പിടികൂടിയിരുന്നു. കാസർഗോഡ് സ്വദേശി ഷഫീക്കിൽ നിന്നാണ് സ്വർണ്ണം പിടിച്ചെടുത്തത്.