ഇരുകൈകളിലും തോക്കുമായി പെണ്‍കുട്ടിയുടെ സാഹസിക ബൈക്ക് യാത്ര; ആണ്‍സുഹൃത്തിനൊപ്പം ബൈക്കിന്റെ പിന്നില്‍ യാത്ര ചെയ്യുമ്പോഴാണ് പെണ്‍കുട്ടി എഴുന്നേറ്റശേഷം ഇരുകൈകളിലെയും തോക്ക് ഉയ‌ര്‍ത്തികാട്ടിയത്; സംഭവം അധികൃതരെ ഞെട്ടിച്ചിരിക്കുകയാണ് ; മറൈൻ ഡ്രൈവിന് സമീപം നടന്ന സംഭവത്തിൽ നടപടിയെടുത്ത് പോലീസ്

സ്വന്തം ലേഖകൻ

പട്‌ന: ഇരു കൈകളിലും തോക്കുമായി ബൈക്കില്‍ നിന്നുകൊണ്ട് അഭ്യാസം കാട്ടി യുവതി. ബിഹാറിലെ ദിഘ-ഗായിഘട്ട് ജെപി ഗംഗാ പാതയിലാണ് സംഭവം. പട്‌നയിലെ മറൈൻ ഡ്രൈവിന് സമീപമാണ് സംഭവം നടന്നത്.

ആണ്‍സുഹൃത്തിനൊപ്പം ബൈക്കിന്റെ പിന്നില്‍ യാത്രചെയ്യുമ്പോഴാണ് പെണ്‍കുട്ടി എഴുന്നേറ്റശേഷം ഇരുകൈകളിലെയും തോക്ക് ഉയ‌ര്‍ത്തികാട്ടിയത്. ഇവരോടൊപ്പം അടുത്തുണ്ടായിരുന്ന ബൈക്കില്‍ യാത്രചെയ്‌തവരാകാം വീഡിയോ പകര്‍ത്തിയത് എന്നാണ് കരുതുന്നത്.

സംഭവം അധികൃതരില്‍ ഞെട്ടലുളവാക്കി. വീഡിയോ കണ്ടതായും സംഭവത്തില്‍ ശക്തമായ നടപടിയെടുക്കുമെന്നും പട്‌ന എസ് പി വൈഭവ് ശര്‍മ്മ അറിയിച്ചു. വാഹനം ഏതെന്ന് തിരിച്ചറിഞ്ഞതായും ഉടനടി നടപടിയുണ്ടാകുമെന്നും അദ്ദേഹം വ്യക്തമാക്കി.