ഇടുക്കി അടിമാലിയില്‍ സഹോദര പുത്രന്റെ വെട്ടേറ്റ് വയോധികന് ദാരൂണാന്ത്യം ; കഴുത്തില്‍ വെട്ടേറ്റതിനെ തുടര്‍ന്ന് ഗുരുതരമായ പരിക്കുകളുമായി കോട്ടയം മെഡിക്കല്‍ കോളേജില്‍ ചികിത്സയിലിരിക്കെയാണ് മരണം ; കൊലപാതകത്തിന് കാരണം വയോധികന്റെ  തോട്ടത്തില്‍ നിന്ന് പ്രതി ജാതിക്ക മോഷ്ടിച്ചുവെന്ന് പൊലീസില്‍ പരാതിപ്പെട്ടത്

സ്വന്തം ലേഖകൻ 

ഇടുക്കി: അടിമാലിയില്‍ സഹോദര പുത്രന്റെ വെട്ടേറ്റ വയോധികന്‍ മരിച്ചു. പനംകുട്ടി ഇഞ്ചത്തൊട്ടി മേലേപ്പറമ്പില്‍ മാത്യു ഔസേഫ് ആണ് സഹോദര പുത്രന്റെ വെട്ടേറ്റ് മരിച്ചത്.

കഴുത്തില്‍ വെട്ടേറ്റത്തിനെ തുടര്‍ന്ന് ഗുരുതരമായ പരിക്കുകളുമായി കോട്ടയം മെഡിക്കല്‍ കോളേജില്‍ ചികിത്സയിലിരിക്കെയാണ് മരണം.

തന്റെ തോട്ടത്തില്‍ നിന്ന് ജാതിക്ക മോഷ്ടിച്ചുവെന്ന് പൊലീസില്‍ പരാതിപ്പെട്ടതാണ് കൊലപാതകത്തിന് കാരണം. വെള്ളിയാഴ്ചയാണ് മാത്യുവിന് വെട്ടേറ്റത്.

സംഭവത്തില്‍ മാത്യുവിന്റെ സഹോദര പുത്രന്‍ മലയംപറമ്പില്‍ ഷൈജുവിനെ ഇന്നലെ വെള്ളത്തൂവല്‍ പൊലീസ് അറസ്റ്റ് ചെയ്തിരുന്നു. അടിമാലി കോടതിയില്‍ ഹാജരാക്കിയ പ്രതി റിമാന്‍ഡിലാണ്.