കാക്കിവേഷത്തിലെത്തിയ ദൈവദൂതൻ!!! ഹാർട്ട്‌ അറ്റാക്ക് വന്ന ​ഗുരുതരാവസ്ഥയിലായ വീട്ടമ്മ കാക്കിയിട്ട കരുണയുടെ സ്പർശനം കൊണ്ട് ജീവിതത്തിലേക്ക്; സേനയ്ക്ക് അഭിമാനമായി വാകത്താനം സ്റ്റേഷനിലെ പൊലീസ് ഉദ്യോ​ഗസ്ഥന്റെ സമയോജിത ഇടപെടൽ; അഭിനന്ദനങ്ങളുമായി സോഷ്യൽ മീഡിയ !

സ്വന്തം ലേഖകൻ

കോട്ടയം: പാസ്പോർട്ട് വേരിഫിക്കേഷനുമായി ബന്ധപ്പെട്ടെത്തിയ പൊലീസ് ഉദ്യോ​ഗസ്ഥൻ ദൈവദൂതന്റെ വേഷമണിഞ്ഞപ്പോൾ വീട്ടമ്മ ജീവിതത്തിലേക്ക്. വാകത്താനം പോലീസ് സ്റ്റേഷനിലെ എസ്. സി. പി. ഒ ആയ പ്രദീപ് കുമാർ ജോലിയുടെ ഭാഗമായി തോട്ടയ്ക്കാട് നെടുമറ്റം ഭാഗത്തു ചെന്നപ്പോഴാണ് ഒരു ജീവൻ മരണത്തോട് മല്ലടിക്കുന്നത് കണ്ടത്.

പാസ്പോർട്ട് വെരിഫിക്കേഷന്റെ ഭാഗമായി പോയ വീട്ടിൽ ഒറ്റയ്ക്കായിരുന്ന കുടുംബനാഥ ഹാർട്ട്‌ അറ്റാക്ക് വന്ന് ​ഗുരുതരാവസ്ഥയിലായിരുന്നു, വീട്ടിൽ ആരുമില്ലാത്ത സമയത്ത് ദൈവദൂതനെ പോലെ കടന്നു വന്ന ഈ പോലീസുകാരൻ വീട്ടിലുണ്ടായിരുന്ന കാറെടുത്ത് ഉടൻ തന്നെ വീട്ടമ്മയെ ചങ്ങനാശേരി ചെത്തിപ്പുഴ ഹോസ്പിറ്റലിൽ എത്തിച്ചു. വരാനിരുന്ന വലിയൊരു ആപത്തിൽ നിന്ന് വീട്ടമ്മയെ രക്ഷപ്പെടുത്തി. പൊലീസ് ഉദ്യോ​ഗസ്ഥന്റെ സമയോജിതമായ ഇടപെടലിൽ വീട്ടമ്മ ജീവിതത്തിലേക്ക് തിരികെയെത്തി.

പോലീസ് സേനയുടെ അഭിമാനം വാനോളം ഉയർത്തിയ പ്രദീപ് കുമാർ സി വി എന്ന പോലീസ് ഉദ്യോഗസ്ഥന് അഭിനന്ദനങ്ങളുമായി സോഷ്യൽ മീഡിയ.