കോട്ടയം ജില്ലയിൽ ശക്തമായ മഴ; ഏഴ് ദുരിതാശ്വാസ ക്യാമ്പുകൾ തുറന്നു; മീനച്ചില്ലാറ്റിൽ ഒരടികൂടി വെള്ളം ഉയർന്നാൽ റോഡ് മുങ്ങും; പാലാ കൊട്ടാരമറ്റം ടൗണും വെള്ളപൊക്ക ഭീഷണിയിൽ; കനത്ത ജാഗ്രതാ നിർദ്ദേശം

സ്വന്തം ലേഖിക

കോട്ടയം: കോട്ടയം ജില്ലയിൽ ശക്തമായ മഴ തുടരുകയാണ്.

മീനച്ചില്ലാറ്റിൽ ഒരടികൂടി വെള്ളം ഉയർന്നാൽ റോഡ് മുങ്ങും. പാലാ കൊട്ടാരമറ്റം ടൗണും വെള്ളപൊക്ക ഭീഷണിയിലാണ്.

ജില്ലയിൽ ഏഴ് ദുരിതാശ്വാസ ക്യാമ്പുകൾ പ്രവർത്തനം ആരംഭിച്ചു. കോട്ടയം ജില്ലയിൽ രാത്രി എല്ലാ താലൂക്കിലും മഴയുണ്ടായിരുന്നു. നിലവില്‍ ക്യാമ്പുകളിലായി 16 കുടുംബങ്ങളാണ് ഉള്ളത്. പുരുഷന്‍മാര്‍ 23, സ്ത്രീകള്‍ 22, കുട്ടികള്‍ 13, ആകെ 58 ആളുകള്‍ ക്യാമ്പുകളില്‍ ഉണ്ട്.

ജില്ലയിൽ പലയിടങ്ങളിലും മരം വീണു ഗതാഗത തടസ്സം ഉണ്ടായിരുന്നു. അഗ്നിരക്ഷ സേനയെത്തി മരം മുറിച്ച്മാറ്റി ഗതാഗതം പുനഃസ്ഥാപിച്ചു.