വീണ്ടും വ്യാജ മരണവാർത്ത; ചലച്ചിത്ര, സീരിയൽ നടൻ ടി.എസ് രാജു അന്തരിച്ചുവെന്ന വാർത്ത വ്യാജം; വിശദീകരണവുമായി നടനും നിർമാതാവുമായ ദിനേശ് പണിക്കർ

സ്വന്തം ലേഖകൻ

കൊച്ചി: ചലച്ചിത്ര, സീരിയൽ നടൻ ടി.എസ്. രാജു അന്തരിച്ചു വാർത്തയിൽ വിശദീകരണവുമായി നടനും നിർമാതാവുമായ ദിനേശ് പണിക്കർ. സീരിയൽ താരങ്ങളുടെ സംഘടനയായ ‘ആത്മ’ ഭാരവാഹി കിഷോർ സത്യ അദ്ദേഹവുമായി സംസാരിച്ചെന്നും അദ്ദേഹം ആരോഗ്യത്തോടെയും സന്തോഷത്തോടെയും ഇരിക്കുന്നു എന്നും ദിനേശ് പണിക്കർ അറിയിച്ചു.

ചലച്ചിത്ര നടൻ ഉൾപ്പെടെ അനുശോചനം അർപ്പിച്ച് പോസ്റ്റ് ചെയ്തിരുന്നു. അക്കാര്യം വ്യാജമാണെന്ന് ദിനേശ് പണിക്കർ അറിയിച്ചു.
ഒരു പ്രമുഖ നടന്റെ ഫേസ്ബുക്ക് പേജിലൂടെയാണ് ടി എസ് രാജു അന്തരിച്ചു എന്ന തരത്തിലുള്ള പോസ്റ്റ് ഇന്ന് രാവിലെ പ്രത്യക്ഷപ്പെട്ടത്.

പിന്നാലെ തന്നെ അദ്ദേഹം മരിച്ചതായി മാധ്യമങ്ങൾ വാർത്ത നൽകുകയായിരുന്നു.മലയാളത്തിലെ സിനിമാ, സീരിയലുകളിൽ വില്ലൻ വേഷങ്ങളിലൂടെ ശ്രദ്ധേയനായ നടനാണ് ടി എസ് രാജു. ജോക്കർ എന്ന ചിത്രത്തിലെ ഗോവിന്ദൻ എന്ന വേഷം ഏറെ ശ്രദ്ധ നേടിയിരുന്നു.