കോട്ടയം തിരുവാർപ്പിൽ ബസ് ഉടമയും സിഐടിയു പ്രവർത്തകരും തമ്മിലുള്ള തർക്കം റിപ്പോർട്ട് ചെയ്യാൻ എത്തിയ മാധ്യമപ്രവർത്തകനെ സിപിഎം പ്രവർത്തകർ കയ്യേറ്റം ചെയ്തു; മർദ്ദനമേറ്റത് തിരുവാർപ്പ് മാത്യഭൂമി ലേഖകൻ എസ് ഡി റാമിന്

സ്വന്തം ലേഖിക

കോട്ടയം: തിരുവാർപ്പിൽ മാധ്യമപ്രവർത്തകനെ സിപിഎം പ്രവർത്തകർ കയ്യേറ്റം ചെയ്തു.

തിരുവാർപ്പിൽ ബസ് ഉടമയും സിഐടിയു പ്രവർത്തകരും തമ്മിലുള്ള തർക്കം റിപ്പോർട്ട് ചെയ്യാൻ എത്തിയ തിരുവാർപ്പ് മാത്യഭൂമി ലേഖകൻ എസ്ഡി റാമിനെയാണ് സി പി എം പ്രവർത്തകർ മർദ്ദിച്ചത്.

‘തിരുവാർപ്പ് പ്രശ്നം റിപ്പോർട്ട് ചെയ്യുമോടാ’ എന്ന് ചോദിച്ചാണ് മർദ്ദനമെന്നാണ് വിവരം. സംഭവമറിഞ്ഞ് പോലീസ് എത്തിയപ്പോഴേക്കും മർദ്ദനമേറ്റിരുന്നെന്ന് മാധ്യമപ്രവർത്തകൻ പറഞ്ഞു.

മർദ്ദനത്തെത്തുടർന്ന് റാമിനെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു