വാക്കുതർക്കത്തെ തുടർന്ന് വഴിയാത്രക്കാരനായ മധ്യവയസ്കനെ ആക്രമിച്ചു കൊലപ്പെടുത്താൻ ശ്രമം; കുമരകം സ്വദേശി ഗാന്ധിനഗർ പോലീസിൻ്റെ പിടിയിൽ
സ്വന്തം ലേഖിക
ഗാന്ധിനഗർ: വഴിയാത്രക്കാരനായ മധ്യവയസ്കനെ ആക്രമിച്ചു കൊലപ്പെടുത്താൻ ശ്രമിച്ച കേസിൽ ഒരാളെ പോലീസ് അറസ്റ്റ് ചെയ്തു.
കുമരകം ചൂള ഭാഗത്ത് കുടിലിൽ വീട്ടിൽ രഞ്ജിത്ത് കുമാർ കെ.എസ് (46) നെയാണ് ഗാന്ധിനഗർ പോലീസ് അറസ്റ്റ് ചെയ്തത്.
Whatsapp Group 1 | Whatsapp Group 2 |Telegram Group
ഇയാൾ ഇന്ന് വെളുപ്പിനെ പത്രം വാങ്ങുന്നതിനായി വഴിയിലൂടെ നടന്നു പോവുകയായിരുന്ന മധ്യവയസ്കനെയാണ് ചുങ്കം തേക്കുപാലം ഭാഗത്ത് വച്ച് ആക്രമിച്ചു കൊലപ്പെടുത്താൻ ശ്രമിച്ചത്.
ഇവർ തമ്മിൽ മുൻപ് വാക്ക് തർക്കം നിലനിന്നിരുന്നു. ഇതിന്റെ തുടർച്ചയെന്നോണമാണ് മധ്യവയസ്കനെ ഇയാൾ ആക്രമിച്ചത്.
പരാതിയെ തുടർന്ന് ഗാന്ധിനഗർ പോലീസ് കേസ് രജിസ്റ്റർ ചെയ്യുകയും ഇയാളെ പിടികൂടുകയുമായിരുന്നു.
ഗാന്ധിനഗർ സ്റ്റേഷൻ എസ്.എച്ച്. ഓ ഷിജി കെ, എസ്.ഐ സുധി. കെ.സത്യപാലൻ, വിജയപ്രസാദ്, സി.പി.ഓ സോണി എന്നിവർ ചേർന്നാണ് ഇയാളെ അറസ്റ്റ് ചെയ്തത്. ഇയാൾക്ക് കോട്ടയം വെസ്റ്റ് സ്റ്റേഷനിൽ ക്രിമിനൽ കേസുകൾ നിലവിലുണ്ട്. ഇയാളെ കോടതിയിൽ ഹാജരാക്കി.