വീണ്ടും തെരുവുനായ ആക്രമണം…..! ഏഴ് പേര്‍ക്ക് കടിയേറ്റു; ഒരാള്‍ക്ക് ഗുരുതര പരിക്ക്

സ്വന്തം ലേഖിക

തിരുവനന്തപുരം: തിരുവനന്തപുരത്ത് വീണ്ടും തെരുവുനായ ആക്രമണം.

ഏഴുപേരെ തെരുവുനായ ആക്രമിച്ചു. തിരുവനന്തപുരം പെരുമാതുറയിലാണ് സംഭവം.

ആക്രണത്തില്‍ ഒരാള്‍ക്ക് സാരമായി പരിക്കേറ്റു.

കടിയേറ്റവരെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. കഴിഞ്ഞ ദിവസങ്ങളിലും ജില്ലയിലെ വിവിധ ഭാഗങ്ങളില്‍ തെരുവുനായയുടെ ആക്രമണത്തില്‍ നാലുപേര്‍ക്ക് പരിക്കേറ്റിരുന്നു.