ഫോർട്ട് കൊച്ചിയിൽ കടലിൽ കുളിക്കാനിറങ്ങി തിരയിൽപ്പെട്ട് കാണാതായ വിദ്യാർഥിയുടെ മൃതദേഹം കണ്ടെത്തി

സ്വന്തം ലേഖകൻ

കൊച്ചി: ഫോർട്ട് കൊച്ചിയിൽ കടലിൽ കുളിക്കാനിറങ്ങി തിരയിൽപ്പെട്ട് കാണാതായ വിദ്യാർഥിയുടെ മൃതദേഹം കണ്ടെത്തി.
പള്ളുരുത്തി കല്ലുച്ചിറ സ്വദേശി മുഹമ്മദ് നായിഫിന്റെ മൃതദേഹമാണ് കണ്ടെത്തിയത്.

ഞായറാഴ്ച രാവിലെയാണ് സംഭവം. ഫോർട്ട് കൊച്ചി സൗദി കടപ്പുറത്ത് കടലിൽ കുളിക്കാനിറങ്ങിയപ്പോഴാണ് അപകടത്തിൽപ്പെട്ടത്. തിരയിൽപ്പെട്ട് കാണാതായ വിദ്യാർഥിക്കായി ഉടൻ തന്നെ കോസ്റ്റൽ പൊലീസ് തിരച്ചിൽ ആരംഭിച്ചിരുന്നു. മണിക്കൂറുകൾ നീണ്ട തിരച്ചിലിന് ഒടുവിലാണ് വിദ്യാർഥിയുടെ മൃതദേഹം കണ്ടെത്തിയത്.