കോട്ടയം മണിമലയിൽ വാഹനാപകടം; സ്കൂട്ടർ ഇന്നോവ കാറുമായി കൂട്ടിയിടിച്ച് മണിമല സ്വദേശികളായ സഹോദരങ്ങൾ മരിച്ചു..!

സ്വന്തം ലേഖകൻ

കോട്ടയം:കോട്ടയം മണിമലയിൽ വാഹനാപകടം. സ്കൂട്ടറും ഇന്നോവ കാറും കൂട്ടിയിടിച്ച് സഹോദരങ്ങൾ മരിച്ചു. സ്കൂട്ടർ യാത്രക്കാരായ മണിമല പതാലിപ്ലാവ് കുന്നുംപുറത്ത് താഴെ ജിസ്,ജിൻസ് എന്നിവരാണ് മരിച്ചത്.

ഇന്നലെ വൈകിട്ട് ആറരയോടെ പുനലൂർ-മൂവാറ്റുപുഴ ഈസ്റ്റേൺ ഹൈവേയിൽ കറിക്കാട്ടൂരിനും മണിമലയ്ക്കുമിടയ്ക്കാണ് അപകടമുണ്ടായത്. നിയന്ത്രണം നഷ്ടമായ സ്കൂട്ടർ ഇന്നോവ കാറിനു പിന്നിൽ ഇടിക്കുകയായിരുന്നു.

അപകടത്തിൽ പരിക്കേറ്റ ഇരുവരെയും കോട്ടയം മെഡിക്കൽ കോളേജ് ആശുപത്രിയിൽ എത്തിച്ചു. ജിൻസ് അർദ്ധരാത്രിയിലും ജിസ് പുലർച്ചയുമാണ് മരിച്ചത്.

പോലീസെത്തി മേൽനടപടികൾ സ്വീകരിച്ചു.മൃതദേഹം പോസ്റ്റുമോർട്ടത്തിന് ശേഷം ബന്ധുക്കൾക്ക് വിട്ടുകൊടുത്തു.