കോട്ടയം പാലായിൽ നിയന്ത്രണംവിട്ട കാർ വൈദ്യുതി പോസ്റ്റിലിടിച്ച് അപകടം; തിരുവനന്തപുരം സ്വദേശികളായ നാലുപേർക്ക് പരിക്ക്

സ്വന്തം ലേഖകൻ

കോട്ടയം : പാലാ- പൊൻകുന്നം റൂട്ടിൽ കാർ വൈദ്യുതി പോസ്റ്റിലിടിച്ച് അപകടം. കാർ ഡ്രൈവർ ഉറങ്ങി പോയതാണ് അപകട കാരണം. പൂവരണി പെട്രോൾ പമ്പിന് സമീപമായിരുന്നു അപകടം.

മൂന്നാറിലേക്ക് പോയ തിരുവനന്തപുരം സ്വദേശികളായ നാലുപേർക്കാണ് പരിക്കേറ്റത്. ആരുടെയും പരിക്ക് ഗുരുതരമല്ല.

അപകടത്തിൽ കാറിന്റെ മുൻഭാഗം പൂർണ്ണമായും തകർന്നിരുന്നു. സംഭവത്തിൽ പാലാ പൊലീസ് കേസെടുത്തു.