മെഡിക്കല്‍ കോളജ് ആശുപത്രിയില്‍ ചികിത്സയില്‍ കഴിയുന്ന സഹോദരിക്ക് കൂട്ടിരിക്കാനെത്തിയ 16കാരിയെ പീഡിപ്പിക്കാന്‍ ശ്രമം; പ്രതി കസ്റ്റഡിയില്‍

സ്വന്തം ലേഖകൻ

തിരുവനന്തപുരം: മെഡിക്കല്‍ കോളേജ് ആശുപത്രിയില്‍ സഹോദരിക്ക് കൂട്ടിരിക്കാനെത്തിയ
പതിനാറുകാരിയെ പീഡിപ്പിക്കാന്‍ ശ്രമിച്ച പ്രതിയെ പോലീസ് പിടികൂടി.

വര്‍ക്കല ഇടവ സ്വദേശി ഷമീറിനെ (ബോംബെ ഷമീര്‍) മെഡിക്കല്‍ കോളേജ് പോലീസാണ് കസ്റ്റഡിയിലെടുത്തത്.

വെള്ളിയാഴ്ച രാത്രിയാണ് പീഡനശ്രമം നടന്നത്. വാര്‍ഡില്‍ ചികിത്സയില്‍ കഴിയുന്ന സഹോദരിക്ക് കൂട്ടിരിക്കാന്‍ വന്നതായിരുന്നു പെണ്‍കുട്ടി. രാത്രിയില്‍ പുറത്തിറങ്ങിയപ്പോഴാണ് പീഡനശ്രമം നടന്നത്.

മോഷണമുള്‍പ്പെടെ നിരവധി കേസുകളില്‍ ഷമീര്‍ പ്രതിയാണ്. ഇയാള്‍ക്കെതിരെ തിരുവനന്തപുരം, കൊല്ലം ജില്ലകളില്‍ കേസുകള്‍ നിലവിലുണ്ടെന്നാണ് വിവരം.