ഏറ്റുമാനൂരിൽ ഇനി ഹൈമാസ്റ്റിന്റെ പ്രകാശം: 13 ഇടത്ത് ഹൈമാസ്റ്റ് ലൈറ്റ് പ്രകാശിക്കും

സ്വന്തം ലേഖകൻ

ഏറ്റുമാനൂർ : നഗരസഭ 2018 – 19 വാർഷിക പദ്ധതിയിൽ ഉൾപ്പെടുത്തി 18 ലക്ഷം രൂപ ചിലവിൽ വിവിധ ഇടങ്ങളിൽ സ്ഥാപിച്ച മിനി ഹൈമാസ്റ്റ് ലൈറ്റുകളുടെ സ്വിച്ച് ഓൺ കർമ്മം സുരേഷ് കുറുപ്പ് എം.എൽ.എ പുന്നത്തുറകവലയിൽ നിർവ്വഹിച്ചു.

Link

Embed

Copy and paste this HTML code into your webpage to embed.

യോഗത്തിൽ നഗരസഭാ ചെയർമാൻ ജോയി ഊന്നു കല്ലേൽ അദ്ധ്യക്ഷത വഹിച്ചു .വികസന കാര്യ ചെയർമാൻ പി.എസ് വിനോദ് സ്വാഗതം ആശംസിച്ച യോഗത്തിൽ പൊതുമരാമത്ത് ചെയർപേഴ്സൺ വിജി ഫ്രാൻസീസ് ,കൗൺസിലർമാരായ ബോബൻ ദേവസ്യാ ,ബിജു കുമ്പിക്കൽ എന്നിവർ സംസാരിച്ചു .

സംസ്ഥാന സർക്കാർ ഏജൻസി നേരിട്ട് നിർവ്വഹണം നടത്തുന്ന പദ്ധതി നഗരസഭയുടെ പ്രധാനപ്പെട്ടതും തിരക്കേറിയതുമായ കാരിത്താസ് ,അമ്പലം ,കറ്റോട് ,പുന്നത്തുറ, ചെറുവാണ്ടൂർ തുടങ്ങി 13കേന്ദ്രങ്ങളിലാണ് സ്ഥാപിച്ചിരിക്കുന്നത് .