ജോലി വാഗ്ദാനം നൽകി പണം തട്ടി; യുവാവ് അറസ്റ്റിൽ
സ്വന്തം ലേഖകൻ
കൊല്ലം: ജോലി വാഗ്ദാനം നൽകി യുവാക്കളിൽ നിന്നും പണം തട്ടിയ സംഭവത്തിൽ പ്രതി അറസ്റ്റിൽ.അഗ്‌നിവീര്‍ റിക്രൂട്ട്മെന്റ് വഴി ജോലി നല്‍കാമെന്ന് വാഗ്ദാനം നല്‍കി യുവാക്കളെ കബളിപ്പിച്ച്‌ 30 ലക്ഷം രൂപ തട്ടിയെടുത്തയാണ് പരാതി. സംഭവത്തിൽ ശാസ്താംകോട്ട മൈനാഗപ്പള്ളി ഐശ്വര്യ ഭവനില്‍ ബിനു (42) ആണ് കുണ്ടറ പൊലീസിന്റെ പിടിയിലായത്.
പാങ്ങോട് സൈനിക രഹസ്യാന്വേഷണ വിഭാഗം, കുണ്ടറ പൊലീസ്, പൊലീസ് സ്‌പെഷല്‍ ബ്രാഞ്ച് എന്നിവര്‍ ചേര്‍ന്നാണ് പ്രതിയെ പിടികൂടിയത്.ഉദ്യോഗാര്‍ഥികളുടെ വിശ്വാസംനേടിയശേഷം ഇവരില്‍ നിന്ന് ഒരു ലക്ഷം രൂപ വീതം വാങ്ങുകയായിരുന്നു. ഇതിനായി ഇന്ത്യന്‍ സേനയുടെ പേരില്‍ കൃത്രിമ രേഖകളുണ്ടാക്കി.
Whatsapp Group 1 | Whatsapp Group 2 |Telegram Group
കുണ്ടറ സ്വദേശികളായ ഉദ്യോഗാര്‍ഥികള്‍ സൈനിക ഇന്റലിജന്‍സിന് നല്‍കിയ വിവരത്തിന്റെ അടിസ്ഥാനത്തില്‍ നടത്തിയ അന്വേഷണത്തിലാണ് പ്രതി പിടിയിലായത്.
പുത്തൂര്‍ സ്വദേശികളായ രണ്ടുപേര്‍കൂടി പൊലീസിന്റെ പിടിയിലായതായി സൂചനയുണ്ട്.മിലിട്ടറി ഇന്റലിജന്‍സ് കുണ്ടറ സ്റ്റേഷനില്‍ എത്തി പ്രതിയെ ചോദ്യം ചെയ്തു.
