ഇടുക്കിയിൽ സ്വകാര്യ ബസ് കണ്ടക്ടറെ റോഡരികില്‍ മരിച്ചനിലയില്‍ കണ്ടെത്തി; മൃതദേഹത്തിന് സമീപം റോബിന്റെ ബൈക്ക് മറിഞ്ഞനിലയിൽ; അപകട മരണമാണെന്ന് പ്രാഥമിക നി​ഗമനം

സ്വന്തം ലേഖകൻ

ഇടുക്കി :തൊടുപുഴയിൽ സ്വകാര്യ ബസ് കണ്ടക്ടറെ റോഡരികില്‍ മരിച്ചനിലയില്‍ കണ്ടെത്തി. മലയിഞ്ചി സ്വദേശി പുതുമനയില്‍ റോബിന്‍ ജോയിയെയാണ് മരിച്ച നിലയില്‍ കണ്ടെത്തിയത്. തൊടുപുഴ-ചീനിക്കുഴി റൂട്ടിലോടുന്ന സ്വകാര്യ ബസിലെ കണ്ടക്ടറായിരുന്നു റോബിന്‍.

മഞ്ചിക്കല്ല് -ഇടമറുക് റോഡില്‍ സ്വകാര്യ ചെരിപ്പു കമ്പനിക്ക് സമീപമായിരുന്നു റോബിന്‍റെ മൃതദേഹം കണ്ടെത്തിയത്. റോബിന്‍റെ ബൈക്കും സമീപത്ത് മറിഞ്ഞുകിടപ്പുണ്ടായിരുന്നു.

ബൈക്ക് തെന്നിമറിഞ്ഞുണ്ടായ അപകടമാകാം മരണകാരണമെന്നാണ് പ്രാഥമിക നിഗമനം.