സംസ്ഥാനത്തെ വിഎച്ച്‌എസ്‌ഇ സ്കൂളുകളില്‍ ഇനി ശനിയാഴ്ച അവധി
സ്വന്തം ലേഖിക
തിരുവനന്തപുരം: സംസ്ഥാനത്തെ വൊക്കേഷണല്‍ ഹയര്‍സെക്കണ്ടറി സ്കൂളുകളില്‍ ഇനി ശനിയാഴ്ച അവധി.
നിലവില്‍ ആഴ്ചയില്‍ ആറ് ദിവസങ്ങളിലും വിഎച്ച്‌എസ്‌ഇ ക്ലാസുകളില്‍ അധ്യയനം നടക്കുന്നുണ്ട്.
Whatsapp Group 1 | Whatsapp Group 2 |Telegram Group
ഇപ്പോള്‍ ശനിയാഴ്ച അവധി നല്‍കി കൊണ്ടാണ് അധ്യയന ദിവസങ്ങള്‍ ആറായി ചുരുക്കിയത്. വിദ്യാര്‍ത്ഥികളുടെ ദീര്‍ഘനാളത്തെ ആവശ്യമാണ് സര്‍ക്കാര്‍ ഇപ്പോള്‍ അംഗീകരിച്ചിരിക്കുന്നത്.
ആഴ്ചയില്‍ ആറ് ദിവസവും അധ്യയനം നടത്തുന്നത് കുട്ടികളില്‍ പഠനഭാരവും മാനസികസംഘര്‍ഷവും സൃഷ്ടിക്കുന്നതായി നേരത്തെ മുതല്‍ പരാതി ഉണ്ടായിരുന്നു.
പുതുക്കിയ ദേശയ നൈപുണ്യ യോഗ്യ ചട്ടക്കൂട് പ്രകാരം കോഴ്സുകളുടെ അധ്യയന സമയം 1120 മണിക്കൂറില്‍ നിന്നും 600 മണിക്കൂറായി കുറച്ചിരുന്നു. പക്ഷേ ഈ മാറ്റം പരിഗണിക്കാതെ സംസ്ഥാനത്തെ വിഎച്ച്‌എസ്‌ഇ സ്കൂളുകളില്‍ ആഴ്ചയില്‍ ആറ് ദിവസവും ക്ലാസുകള്‍ നടന്നു വരികയായിരുന്നു.
പീരിയഡുകളുടെ ദൈര്‍ഘ്യം ഒരു മണിക്കൂറായി നിലനിര്‍ത്തി കൊണ്ടാവും ശനിയാഴ്ച ദിവസത്തെ അധ്യയനം ഒഴിവാക്കുക.
