ന്യൂഡൽഹി: ചൈനയിൽ കൊവിഡ് കേസുകൾ വർധിച്ച പശ്ചാത്തലത്തിൽ ഇന്ത്യയിലും ജാഗ്രത പാലിക്കണമെന്ന് കേന്ദ്രം. രാജ്യത്ത് കോവിഡ് പ്രതിരോധം ശക്തമാക്കണമെന്ന് വ്യക്തമാക്കിയിരിക്കുകയാണ് കേന്ദ്ര ആരോഗ്യമന്ത്രാലയം . പൊതുഇടങ്ങളിൽ മാസ്ക് ധരിക്കുന്നത് വീണ്ടും തുടരണമെന്നും നിർദേശമുണ്ട്. രാജ്യത്തെ കോവിഡ് സാഹചര്യം മുൻനിർത്തി കേന്ദ്ര ആരോഗ്യമന്ത്രി മൻസൂഖ് മാണ്ഡവ്യ വിളിച്ചുചേർത്ത യോഗത്തിലാണ് സുപ്രധാന തീരുമാനങ്ങൾ എടുത്തിരിക്കുന്നത്.
കൊവിഡ് ഇതുവരെയും അവസാനിച്ചിട്ടില്ലെന്നും ജാഗ്രത പാലിക്കാനും നിരീക്ഷണം ശക്തമാക്കാനും നിർദേശിച്ചിട്ടുണ്ടെന്നും മന്ത്രി വ്യക്തമാക്കി. ഏതു സാഹചര്യത്തെയും നേരിടാൻ സജ്ജമാണെന്ന് മന്ത്രി അറിയിച്ചു. ആൾക്കൂട്ടം ഉള്ള ഇടങ്ങളിൽ അകത്തും പുറത്തും മാസ്ക് ധരിക്കുന്നത് തുടരണമെന്ന് നീതിആയോഗ് യോഗത്തിനുശേഷം വ്യക്തമാക്കി.
ചൈനയ്ക്ക് പുറമേ ജപ്പാൻ അമേരിക്ക ബ്രസീൽ തുടങ്ങിയ രാജ്യങ്ങളിലും കോവിഡ് കേസുകൾ ഉയരുകയാണ്.ബീജിങ്ങിൽ 40 ശതമാനത്തിലധികം പേരും കൊവിഡ് ബാധിതരാണ് എന്നാണ് റിപ്പോർട്ടുകൾ പറയുന്നത് .
Whatsapp Group 1 | Whatsapp Group 2 |Telegram Group