സ്വന്തം ലേഖിക
മുംബൈ: ബോളിവുഡിന്റെ കിംഗ് ഖാന്‍ ഷാരൂഖ് ഖാന്റെ മകന്‍ ആര്യന്‍ ഖാന്‍ മദ്യവ്യവസായ രംഗത്തിറങ്ങുന്നതായി റിപ്പോര്‍ട്ടുകള്‍.
രാജ്യത്ത് കടുത്ത നിയന്ത്രണങ്ങളുള‌ള മദ്യവ്യവസായത്തിലേക്ക് മുതല്‍മുടക്കാന്‍ ആര്യന്‍ ഖാന്‍ ഒരുങ്ങുന്നതായി വിവരം പുറത്തുവന്നതോടെ സമൂഹമാദ്ധ്യമങ്ങളില്‍ വലിയ വിമര്‍ശനമാണ് ഉണ്ടാകുന്നത്. ‘അച്ഛന്‍ പുകയില ഉപയോഗത്തെ പ്രോത്സാഹിപ്പിക്കുന്നു മകന്‍ മദ്യ ഉപയോഗവും’ എന്നാണ് സൈബര്‍ ലോകം വിമര്‍ശിക്കുന്നത്.
Whatsapp Group 1 | Whatsapp Group 2 |Telegram Group
ബണ്ടി സിംഗ്, ലെറ്റി ബ്ളഗോവ എന്നിവര്‍ക്കൊപ്പമാണ് ആര്യന്‍ പുതിയ ബിസിനസ് തുടങ്ങുന്നത്. ആരംഭത്തില്‍ പ്രീമിയം വോഡ്‌ക ബ്രാന്‍ഡും പിന്നാലെ മറ്റ്‌തരം മദ്യവും നിര്‍മ്മിക്കാന്‍ ആര്യനും സുഹൃത്തുക്കള്‍ക്കും പദ്ധതിയുണ്ട്.
സ്ളാബ് വെഞ്ച്വര്‍ എന്ന കമ്പനിയും ഇവര്‍ തുടങ്ങി. ‘നിലവില്‍ ഇത്തരത്തിലൊരു സ്‌പേസ് ഉണ്ടെന്ന് ഞങ്ങള്‍ കരുതുന്നു. സ്‌പേസ് ഉണ്ടെങ്കില്‍ അവസരവും ഉണ്ട്’ ആര്യന്‍ ഖാന്‍ ഇതിനെക്കുറിച്ച്‌ പ്രതികരിച്ചത് ഇങ്ങനെയാണ്.
താന്‍തന്നെ എഴുതിയ ഒരു പരമ്പരയിലെ സംവിധായകനും പ്രധാന താരമായും അരങ്ങേറ്റം കുറിയ്‌ക്കുമെന്ന് മുന്‍പ് ആര്യന്‍ ഇന്‍സ്‌റ്റ‌ഗ്രാം പോസ്‌റ്റിലൂടെ അറിയിച്ചിരുന്നു. അഭിനയത്തില്‍ താല്‍പര്യമില്ലെന്ന് മുന്‍പ് അറിയിച്ചിരുന്നെങ്കിലും ഇപ്പോള്‍ അഭിനയരംഗത്തും ബിസിനസിലും ഒരുപോലെ കൈവയ്‌ക്കാന്‍ തന്നെയാണ് ആര്യന്റെ തീരുമാനം.
