ഫ്ലക്സ് കെട്ടുന്നതിനിടെ മരത്തിൽ നിന്ന് വീണു; ബ്രസീൽ ആരാധകന് ദാരുണാന്ത്യം; കണ്ണൂർ അഴീക്കോടാണ് സംഭവം

കണ്ണൂർ: ഫ്ലക്സ് കെട്ടുന്നതിനിടെ മരത്തിൽ നിന്ന് വീണ് ബ്രസീൽ ആരാധകന് ദാരുണാന്ത്യം.കണ്ണൂർ അഴീക്കോടാണ് സംഭവം. അലവിൽ സ്വദേശി നിതീഷാണ് മരിച്ചത്.

അലവിൽ ബസ് സ്റ്റോപ്പിന് സമീപത്തെ മരത്തിൽ ഫ്ലക്സ് കെട്ടാൻ ശ്രമിക്കുന്നതിനിടെ കാൽവഴുതി വീഴുകയായിരുന്നു. ലോകകപ്പ് ആരവങ്ങളുടെ ഭാഗമായാണ് നിതീഷ് ഫ്ലക്സ് കെട്ടാൻ കയറിയത്.ആശുപത്രിയില്‍ ചികിത്സയിലിരിക്കെയായിരുന്നു മരണം സംഭവിച്ചത്. ബ്രസീലിന്റെ കടുത്ത ആരധകനായ നിതീഷിന്റെ മരണം നാട്ടുകാർക്ക് പോലും ഉൾകൊള്ളാൻ ആയിട്ടില്ല.