കോട്ടയം മുള്ളങ്കുഴിയിൽ അജ്ഞാത മൃതദേഹം കണ്ടെത്തി; മൃതദേഹത്തിന് ആഴ്ച്ചകളുടെ പഴക്കം

സ്വന്തം ലേഖിക

കോട്ടയം: മുള്ളങ്കുഴിയിൽ ആഴ്ച്ചകളുടെ പഴക്കമുള്ള അജ്ഞാത മൃതദേഹം കണ്ടെത്തി .

അസഹനീയമായ ദുർഗന്ധത്തെ തുടർന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്. കോട്ടയം നഗരസഭയുടെ മുള്ളൻകുഴിയിലെ പഴയ ഫ്‌ളാറ്റ് സമുച്ചയത്തിനു സമീപമാണ് അജ്ഞാത മൃതദേഹം കണ്ടെത്തിയത്.

ഫ്‌ളാറ്റിന് സമീപത്ത് കൂടി രാത്രി നടന്ന് പോയവർ അസഹനീയമായ ദുർഗന്ധം വമിക്കുന്നത് ശ്രദ്ധയിൽ പെട്ട് നടത്തിയ അന്വേഷണത്തിലാണ് മൃതദേഹം കണ്ടെത്തിയത്.

കോട്ടയം ഈസ്റ്റ് പോലീസ് സ്ഥലത്തെത്തി ഇൻക്വസ്റ്റ് അടക്കമുള്ള നടപടികൾ പൂർത്തിയാക്കി.