വീണ്ടും ടൂറിസ്റ്റ് ബസ് അപകടം: തിരുവനന്തപുരത്ത് സ്കൂൾ വിദ്യാർത്ഥികളുമായി പോയ ബസ് ബെെക്ക് യാത്രികനെ ഇടിച്ചു തെറിപ്പിച്ചു; യുവാവിന് ​ഗുരുതരമായി പരിക്കേറ്റു

തിരുവനന്തപുരം: വീണ്ടും ടൂറിസ്റ്റ് ബസ് അപകടത്തിൽപ്പെട്ടു. തിരുവനന്തപുരത്താണ് ടൂറിസ്റ്റ് ബസ് ബെെക്ക് യാത്രക്കാരെ ഇടിച്ചു തെറിപ്പിച്ചത്. കുര്യാച്ചിറ സെൻ്റ് ജോസഫ് സ്കൂളിലെ വിദ്യാർത്ഥികളുമായി എത്തിയ ബസാണ് ബെെക്കുമായി കൂട്ടിയിടിച്ചത്. സ്കൂൾ വിദ്യാർത്ഥികളുമായി എത്തിയ ബസാണ് അപകടത്തിൽപ്പെട്ടത്.

ഗുരുതരമായി പരിക്കേറ്റ യുവാവിനെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. അപകടത്തിൽ ബസ്സിലുണ്ടായിരുന്ന വിദ്യാർത്ഥികൾക്ക് ആർക്കും പരിക്കില്ല.

ഗൗരീശപട്ടത്ത് വച്ച് ബസ്സ് വലത് വശം ചേർന്ന് വളയ്ക്കാൻ ശ്രമിച്ചപ്പോഴാണ് അപകടം. എതിർ ദിശയിൽ വളവ് തിരിഞ്ഞ് വന്ന സ്‌കൂട്ടറിനെ ബസ്സ് ഇടിച്ചു വീഴ്‌ത്തുകയായിരുന്നു.

ബസ്സിന് വേഗത കുറവായതിനാൽ ഒഴിവായത് വലിയ ദുരന്തമാണെന്നാണ് നാട്ടുകാർ പറയുന്നത്. ബസ്സിൽ ഉണ്ടായിരുന്ന വിദ്യാർത്ഥികളെല്ലാം സുരക്ഷിതരാണ്.