സ്വന്തം ലേഖിക
കോഴിക്കോട്: കോഴിക്കോട്ടെ സ്വകാര്യ മാളില് പരിപാടിക്കെത്തിയ പുതിയ സിനിമയുടെ പ്രമോഷന് പരിപാടിയില് പങ്കെടുക്കാനെത്തിയ രണ്ട് യുവനടിമാര്ക്ക്
നേരെ ലൈംഗിക അതിക്രമം.
അതിക്രമത്തിന് ഇരയായ നടിമാരില് ഒരാള് ഫേസ്ബുക്കിലൂടെ ദുരനുഭവം പങ്കുവെച്ചതോടെയാണ് സംഭവം പുറത്തറിയുന്നത്. മാളിലെ പ്രമോഷന് പരിപാടി കഴിഞ്ഞ് മടങ്ങുന്നതിനിടെ തനിക്കും ഒപ്പമുണ്ടായിരുന്ന മറ്റൊരു നടിക്കും നേരെ ആൾക്കൂട്ടത്തിനിടയിൽ നിന്നും ലൈംഗിക അതിക്രമം നടന്നുവെന്നാണ് യുവനടി സാമൂഹമാധ്യമ അക്കൗണ്ടുകളില് പങ്കുവച്ച കുറിപ്പില് പറയുന്നത്.
Whatsapp Group 1 | Whatsapp Group 2 |Telegram Group
അപ്രതീക്ഷിതമായ അതിക്രമത്തില് അമ്പരന്നു പോയ തനിക്ക് പ്രതികരിക്കാന് പോലും സാധിച്ചില്ലെന്നുംം ഇപ്പോഴും ആ മാനസികാഘാതത്തില് നിന്നും പുറത്ത് കടക്കാനായിട്ടില്ലെന്നും നടി പറയുന്നു.
എന്നാൽ സംഭവത്തില് ഇതേവരെ നടിയില് നിന്നോ സിനിയുടെ അണിയറ പ്രവര്ത്തകരില് നിന്നോ പരാതിയൊന്നും ലഭിച്ചിട്ടില്ലെന്നാണ് പൊലീസ് അറിയിക്കുന്നത്. നടിയുടെ ഫേസ്ബുക്ക് പോസ്റ്റിന്റെ അടിസ്ഥാനത്തില് അന്വേഷണം ആരംഭിച്ചതായും അവര് അറിയിച്ചു.
നടിയുടെ പോസ്റ്റില് നിന്നും….
“ഇന്ന് എന്റെ പുതിയ ചിത്രത്തിന്റെ പ്രമോഷന്റെ ഭാഗമായി കോഴിക്കോട്ടെ ഹൈ ലൈറ്റ് മാളില് വച്ച് നടന്ന പ്രമോഷന് വന്നപ്പോള് എനിക്ക് ഉണ്ടായത് മരവിപ്പിക്കുന്ന ഒരനുഭവം ആണ്. ഞാന് ഒത്തിരി ഇഷ്ടപ്പെടുന്ന ഒരു സ്ഥലം ആണ് കോഴിക്കോട്. പക്ഷേ, പ്രോഗ്രാം കഴിഞ്ഞു പോകുന്നതിനിടയില് ആള്ക്കൂട്ടത്തില് നിന്നൊരാള് എന്നെ കയറിപ്പിടിച്ചു. എവിടെ എന്നു പറയാന് എനിക്ക് അറപ്പു തോന്നുന്നു. ഇത്രയ്ക്ക് frustrated ആയിട്ടുള്ളവര് ആണോ നമ്മുടെ ചുറ്റും ഉള്ളവര്?
പ്രമോഷന്റെ ഭാഗമായി ഞങ്ങളുടെ ടീം മുഴുവന് പലയിടങ്ങളില് പോയി. അവിടെയൊന്നും ഉണ്ടാകാത്ത ഒരു വൃത്തികെട്ട അനുഭവം ആയിരുന്നു ഇന്ന് ഉണ്ടായത്. എന്റെ കൂടെ ഉണ്ടായിരുന്ന മറ്റൊരു സഹപ്രവര്ത്തകയ്ക്കും ഇതേ അനുഭവം ഉണ്ടായി. അവര് അതിന് പ്രതികരിച്ചു. പക്ഷേ എനിക്ക് അതിന് ഒട്ടും പറ്റാത്ത ഒരു സാഹചര്യം ആയിപ്പോയി. ഒരു നിമിഷം ഞാന് മരവിച്ചു പോയി. ആ മരവിപ്പില് തന്നെ നിന്നു കൊണ്ട് ചോദിക്കുവാണ്…. തീര്ന്നോ നിന്റെയൊക്കെ അസുഖം… “
