കോട്ടയം ദേവലോകം റെസിഡന്റ്സ് ആൻഡ് വെൽഫെയർ അസോസിയേഷൻ 2022-23 വർഷത്തെ ഭാരവാഹികളെ തിരഞ്ഞെടുത്തു.

കോട്ടയം: ദേവലോകം റെസിഡന്റ് ആൻഡ് വെൽഫെയർ അസോസിയേഷൻ പുതിയ ഭാരവാഹികളെ തിരഞ്ഞെടുത്തു. അഡ്വ. ആർ. രാജ​ഗോപാൽ( പ്രസിഡന്റ്), എബ്രഹാം കെ മാണി കൊല്ലംകുന്നേൽ(സെക്രട്ടറി), ജോർജ്ജ് പി തോമസ് പാടത്തറ (ട്രഷറർ) എന്നിവരാണ് 2022-23 വർഷത്തെ ഭാരവാഹികൾ.

2021-22 വർഷത്തെ വാർഷിക പൊതുയോ​ഗത്തിലാണ് ഭാ​ഗവാഹികളെ തിരഞ്ഞെടുത്തത്. കഞ്ഞിക്കുഴി ​ദേവലോകം റോഡിന്റെ ശോച്യാവസ്ഥ പരിഹരിക്കുന്നതിന് വേണ്ട നടപടികൾ സ്വീകരിക്കാൻ അധികൃതരെ നേരിൽകണ്ട് അഭ്യർത്ഥിക്കാൻ പൊതുയോ​ഗം തീരുമാനിച്ചു.

പത്തു വർഷമായി ജനക്ഷേമപ്രവർത്തനങ്ങൾക്ക് ഊന്നൽ നല്കുന്ന സംഘടനയാണ് ദേവലോകം റെസിഡന്റ് ആൻഡ് വെൽഫെയർ അസോസിയേഷൻ.മദ്യത്തിനും മയക്കുമരുന്നിനുമെതിരെ എക്സൈസുമായി സഹകരിച്ച് സെമിനാറുകളും റാലികളും സംഘടിപ്പിക്കുന്നതിലും അസോസിയേഷൻ മുൻകൈ എടുക്കാറുണ്ട്.