ദുബായ്: ഇന്ത്യക്കെതിരായ ഏഷ്യാ കപ്പ് മത്സരത്തിൽ പാകിസ്ഥാന് ഇറങ്ങുക കറുത്ത ആം ബാന്ഡ് ധരിച്ച്. പാകിസ്താനിലെ വെള്ളപ്പൊക്കത്തിൽ ദുരിതമനുഭവിക്കുന്നവർക്ക് പിന്തുണ അറിയിച്ചാണ് ടീമിന്റെ ഈ നീക്കം.
രാജ്യത്തിന്റെ പകുതിയോളം മുങ്ങിയ പ്രളയം 40 ലക്ഷത്തോളം പേരെ ബാധിച്ചു. കഴിഞ്ഞ ഒരു ദിവസത്തിനിടെ 119 പേരാണ് മരിച്ചത്. ഇതോടെ പാകിസ്താനിലെ പ്രളയത്തിൽ ജീവൻ നഷ്ടപ്പെട്ടവരുടെ എണ്ണം 1033 ആയി.
പ്രളയക്കെടുതി നേരിടാൻ പാകിസ്ഥാൻ സർക്കാർ അടിയന്തരാവസ്ഥ പ്രഖ്യാപിച്ചു. രണ്ട് ലക്ഷത്തോളം വീടുകൾ തകർന്നു. അമേരിക്ക, യുകെ, യുഎഇ ഉൾപ്പെടെയുള്ള രാജ്യങ്ങൾ പാകിസ്ഥാന് സഹായം പ്രഖ്യാപിച്ചിട്ടുണ്ട്.
