കോഴിക്കോട് : എഴുത്തുകാരനും സാംസ്കാരിക പ്രവര്ത്തകനുമായ സിവിക് ചന്ദ്രനെതിരെയുള്ള ലൈംഗിക പീഡന പരാതിയില് വിചിത്ര ന്യായവുമായി കോഴിക്കോട് സെഷൻസ് കോടതി.
പരാതി നല്കിയ യുവതിയുടേത് പ്രകോപനമുണ്ടാക്കുന്ന വസ്ത്രധാരണമെന്നാണ് കോടതി കണ്ടെത്തിയത്. കോഴിക്കോട് ജില്ലാ സെഷന്സ് കോടതി ജഡ്ജി എസ്.കൃഷ്ണകുമാറാണ് വിവാദ ഉത്തരവ് പുറപ്പെടുവിച്ചത്.
കൊയിലാണ്ടി പൊലീസ് രജിസ്റ്റര് ചെയ്ത രണ്ടാമത്തെ ലൈംഗിക പീഡന പരാതി കേസില് സിവിക് ചന്ദ്രന് മുന്കൂര് ജാമ്യം അനുവദിച്ച് കൊണ്ട് പുറപ്പെടുവിച്ച ഉത്തരവിലാണ് ഈ പരാമര്ശമുള്ളത്.
Whatsapp Group 1 | Whatsapp Group 2 |Telegram Group
പരാതിക്കാരി പ്രകോപനപരമായ വസ്ത്രം ധരിച്ചതിനാല് 354 എ വകുപ്പ് നിലനില്ക്കില്ലെന്നാണ് കോടതിയുടെ കണ്ടെത്തല്. പ്രതിഭാഗം കോടതിയില് ഹാജരാക്കിയ ഫോട്ടോയില് യുവതിയുടെ വസ്ത്രധാരണം വ്യക്തമാണെന്നും കോടതി മുന്കൂര് ജാമ്യം അനുവദിച്ച് കൊണ്ടുള്ള ഉത്തരവില് കോടതി നിരീക്ഷിക്കുന്നുണ്ട്.
