സ്വന്തം ലേഖിക
ന്യൂഡൽഹി :തന്റെ മേലുദ്യോഗസ്ഥനോട് അവധി ആവശ്യപ്പെട്ടുകൊണ്ട് ഉത്തര് പ്രദേശിലെ പൊലീസ് കോണ്സ്റ്റബിള് എഴുതിയ അവധി അപേക്ഷയാണ് ഇപ്പോള് സമൂഹമാധ്യമങ്ങളിലെ വൈറല് വാര്ത്തകളില് ഒന്ന്.
യു.പിയിലെ ബല്ലിയയില് ആണ് സംഭവം. വിവാഹം കഴിഞ്ഞ് ഏഴ് മാസമായെന്നും ഇതുവരെ ഒരു ‘നല്ല വാര്ത്ത’ ലഭിച്ചിട്ടില്ലെന്നും പൊലീസ് ഉദ്യോഗസ്ഥന് അവധി അപേക്ഷയില് പറയുന്നു. അതിനാല് ദയവായി 15 ദിവസത്തെ ലീവ് തരൂ എന്നും കോണ്സ്റ്റബിള് തന്റെ ഓഫീസറോട് ചോദിക്കുന്നുണ്ട്. അവധി അപേക്ഷിച്ചു കൊണ്ടുള്ള കത്ത് ഇപ്പോള് സോഷ്യല് മീഡിയയില് ചര്ച്ചയായിരിക്കുകയാണ്.
Whatsapp Group 1 | Whatsapp Group 2 |Telegram Group
ഗോരഖ്പൂരിലെ പൊലീസ് കോണ്സ്റ്റബിളാണ് അപേക്ഷക്ക് പിന്നില്. ‘സര്, വിവാഹം കഴിഞ്ഞിട്ട് ഏഴ് മാസമായി. ഇതുവരെ നല്ല വാര്ത്ത ലഭിച്ചിട്ടില്ല. ഡോക്ടറുടെ ഉപദേശപ്രകാരം മരുന്ന് കഴിച്ചു. ഭാര്യയോട് ഒപ്പം ഇനി ജീവിക്കണം. അതിനാല്, സര്, 15 ദിവസത്തെ അവധി നല്കണമെന്ന് അഭ്യര്ത്ഥിക്കുന്നു’ -കത്തില് പറയുന്നു. കത്ത് ഉത്തര്പ്രദേശ് പൊലീസ് ഡിപ്പാര്ട്ട്മെന്റിലും സോഷ്യല് മീഡിയയിലും വൈറലായിരിക്കുകയാണ്.
പല പൊലീസുകാര്ക്കും 24 മണിക്കൂറും ഡ്യൂട്ടിയും ജോലി സമ്മര്ദ്ദവും ഉണ്ട്. ജോലി സമ്മര്ദ്ദം കാരണം ഒരു പൊലീസുകാരന് കുടുംബത്തില് നടക്കുന്ന വിവാഹത്തിനോ മറ്റ് ചടങ്ങുകളിലോ പങ്കെടുക്കാന് അവധി ലഭിക്കുന്നില്ല. പൊലീസ് ജോലിയില് ഒരു മനുഷ്യന് തന്റെ ജീവിതം കൂടുതല് ആസ്വദിക്കാന് കഴിയില്ല.
അവന് എല്ലാ സമയത്തും ഡ്യൂട്ടിയില് ഉണ്ടായിരിക്കണം. ഈ സാഹചര്യത്തില് വനിതാ പൊലീസ് ഏറെ ബുദ്ധിമുട്ടുകയാണ്. പൊലീസ് ഡിപ്പാര്ട്ട്മെന്റില് ലീവ് ലഭ്യമല്ലാത്തതിനാല്, ആളുകള് പലപ്പോഴും ജോലി ഉപേക്ഷിക്കുകയോ ആത്മഹത്യ പോലുള്ള ഗുരുതരമായ നടപടി സ്വീകരിക്കുകയോ ചെയ്യുന്നു. പൊലീസുകാര് തന്നെ പറയുന്നു.
