കുളിമുറിയില്‍ കയറിയ സ്ത്രീ ക്യാമറ കണ്ട് ബഹളം വെച്ചു; ബഹളത്തിനിടെ ഫോണ്‍ എടുക്കാന്‍ വന്ന യുവാവിനെ ആളുകള്‍ പിടികൂടി പൊലീസില്‍ ഏല്‍പ്പിച്ചു; റിജേഷ് പിടിയിലായതോടെ പുറത്തുവരുന്നത് ഞെട്ടിക്കുന്ന വിവരങ്ങൾ….!

സ്വന്തം ലേഖിക

കോഴിക്കോട്: സ്വകാര്യ ദൃശ്യങ്ങള്‍ പകര്‍ത്തുന്നതിനായി കുളിമുറിയില്‍ മൊബൈല്‍ ഫോണ്‍ ക്യാമറ സ്ഥാപിച്ച യുവാവ് പിടിയില്‍.

ഉണ്ണികുളം കരുമല മഠത്തില്‍ റിജേഷിനെയാണ് (31) പൊലീസ് പിടികൂടിയത്. കുളിമുറിയില്‍ കയറിയ സ്ത്രീ ക്യാമറ കണ്ട് പേടിച്ച്‌ ബഹളം വെക്കുകയായിരുന്നു.

ബഹളത്തിനിടെ ഫോണ്‍ എടുക്കാന്‍ വന്ന യുവാവിനെ ആളുകള്‍ പിടികൂടി പൊലീസില്‍ ഏല്‍പ്പിച്ചു. ഫോണ്‍ സൈബര്‍ സെല്ലിന്റെ പരിശോധനക്ക് അയച്ചു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.