തിരുവനന്തപുരം: ശിവൻകുട്ടി ഉൾപ്പെടെയുള്ള നിയമസഭാ കയ്യാങ്കളിക്കേസിലെ പ്രതികളോട് സെപ്റ്റംബർ 14ന് ഹാജരാകാൻ തിരുവനന്തപുരം സി.ജെ.എം. കോടതി. ഹാജരാകാനുള്ള അവസാന അവസരമാണിതെന്ന് കോടതി മുന്നറിയിപ്പ് നൽകി. മന്ത്രി വി.ശിവൻകുട്ടി, എൽ.ഡി.എഫ് കൺവീനർ ഇ.പി.ജയരാജൻ, കെ.ടി. ജലീൽ എം.എൽ.എ അടക്കം ആറുപേർ കേസിൽ പ്രതികളാണ്.
നിയമസഭാ കയ്യാങ്കളി കേസ് നിലവിൽ തിരുവനന്തപുരം സിജെഎമ്മിന്‍റെ പരിഗണനയിലാണ്. വിചാരണ കോടതി ഘട്ടത്തിലാണ്. കേസിലെ കുറ്റപത്രം വായിക്കാൻ സെപ്റ്റംബർ 14ന് ഹാജരാകാൻ കേസിലെ ആറ് പ്രതികളോടും കോടതി നിർദേശിച്ചിട്ടുണ്ട്.
കുറ്റപത്രം പലതവണ വായിച്ചുകേൾപ്പിക്കാൻ പ്രതികളോട് കോടതിയിൽ ഹാജരാകാൻ ആവശ്യപ്പെട്ടിരുന്നു. എന്നാൽ, വിവിധ കാരണങ്ങൾ ചൂണ്ടിക്കാട്ടി പ്രതികൾ ഹാജരായില്ല. ഇത് കണക്കിലെടുത്ത് സെപ്റ്റംബർ 14നാണ് പ്രതികൾക്ക് ഹാജരാകാനുള്ള അവസാന അവസരമെന്ന് കോടതി മുന്നറിയിപ്പ് നൽകി.
Whatsapp Group 1 | Whatsapp Group 2 |Telegram Group
