കനത്ത മഴ ; നിയന്ത്രണം വിട്ട സ്വകാര്യ ബസിടിച്ച് കോട്ടയം കുറുപ്പുന്തറയിൽ രണ്ട് ​വൈദ്യുതി പോസ്റ്റുകളും ഒരു ഓട്ടോയും തകർന്നു

സ്വന്തം ലേഖകൻ

കടുത്തുരുത്തി: കനത്ത മഴയിൽ നിയന്ത്രണം വിട്ട സ്വകാര്യ ബസിടിച്ച് കുറുപ്പുന്തറയിൽ രണ്ട് ​വൈദ്യുതി പോസ്റ്റുകളും ഒരു ഓട്ടോയും തകർന്നു. ബുധനാഴ്ച ഉച്ചക്ക് 12.30ഓടെയാണ് കുറുപ്പന്തറ ബസ് സ്റ്റാൻഡിന് സമീപം അ‌പകടമുണ്ടായത്.

കോട്ടയം ഭാഗത്തേക്ക് പോവുകയായിരുന്ന ബസ് നിയന്ത്രണംവിട്ട് വഴിയിരികിലെ രണ്ട് വൈദ്യുതി പോസ്റ്റുകൾ ഇടിച്ചുതകർത്തശേഷം റോഡരികിൽ പാർക്ക് ചെയ്തിരുന്ന ഓട്ടോയിലും ഇടിക്കുകയായിരുന്നു.

ഓട്ടോയിൽ ഈ സമയം ആളില്ലാതിരുന്നതിനാൽ വൻ അപകടം ഒഴിവായി. എതിരെ വന്ന കണ്ടെയ്നറിന് വളവിൽവെച്ച് സൈഡ് കൊടുക്കുന്നതിനിടെ നിയന്ത്രണം വിട്ടാണ് സ്വകാര്യബസ് അപകടത്തിൽപെട്ടതെന്ന് പറയുന്നു.