സുഹൃത്തിനൊപ്പം ​ബൈക്കിൽ സഞ്ചരിക്കുന്നതിനിടെ അ‌പകടം; പരിക്കേറ്റ് ചികിത്സയിലായിരുന്ന വിദ്യാർത്ഥിനി മരിച്ചു

സ്വന്തം ലേഖകൻ

തൃശ്ശൂർ: അപകടത്തിൽ പരിക്കേറ്റ് ചികിത്സയിലായിരുന്ന വിദ്യാർത്ഥിനി മരിച്ചു. മാപ്രാണം സ്വദേശിനി മാപ്രാണം കൊല്ലാശ്ശേരി വീട്ടിൽ അജയൻ-രശ്മി ദമ്പതികളുടെ മകൾ അനൂജയാണ് മരിച്ചത്.

കഴിഞ്ഞ ദിവസം ചേർപ്പിൽ വല്ലച്ചിറ ഷാപ്പിന് സമീപമാണ് അപകടമുണ്ടായത്. ബൈക്കുകൾ തമ്മിൽ കൂട്ടിയിടിച്ചാണ് അപകടം.

അനൂജയും സുഹൃത്തും സഞ്ചരിച്ചിരുന്ന ബൈക്ക് മറ്റൊരു ബൈക്കുമായി കൂട്ടിയിടിക്കുകയായിരുന്നു.

തൃശ്ശൂർ എലൈറ്റ് മിഷൻ ആശുപത്രിയിൽ ചികിത്സയിലിരിക്കെയാണ് അനൂജയുടെ മരണം. വൈറ്റിലയിൽ സ്വകാര്യ കോളേജിൽ ബിരുദാനന്തര ബിരുദ വിദ്യാർഥിയായിരുന്നു അനൂജ.