കോവിഡ് ബാധിച്ച് കോട്ടയം മെഡിക്കല്‍ കോളജില്‍ പ്രവേശിപ്പിച്ച ഫ്രഞ്ച് സ്വദേശിയായ വിനോദസഞ്ചാരി മരിച്ചു

സ്വന്തം ലേഖകൻ

കോട്ടയം: കോവിഡ് ബാധിച്ച്‌ കോട്ടയം മെഡിക്കല്‍ കോളജില്‍ ചികിത്സയിലായിരുന്ന വിദേശ പൗരന്‍ മരിച്ചു.

ഫ്രാന്‍സ് സ്വദേശി മെര്‍സിയര്‍ പൈവേ എന്ന ആളാണ് മരിച്ചത്.
കോവിഡ് ബാധിതനായി എറണാകുളം ജനറല്‍ ആശുപത്രിയിലും തുടര്‍ന്ന് കളമശേരി മെഡിക്കല്‍ കോളജ് ആശുപത്രിയിലും ചികിത്സയില്‍ കഴിഞ്ഞിരുന്നു.

ആരോഗ്യനില മോശമായതിനെ തുടര്‍ന്ന് കഴിഞ്ഞ രണ്ടിനാണ് കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചത്. ഇന്നലെ ആരോഗ്യനില വീണ്ടും ഗുരുതരമാകുകയും ഇന്ന് പുലര്‍ച്ചെ മരിക്കുകയും ചെയ്തു. മൃതദേഹം മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി.