കോട്ടയം കളത്തിപ്പടിയിൽ കാറിന് മുകളിലേയ്ക്ക് തെങ്ങ് മറിഞ്ഞു വീണു ;ഒഴിവായത് വൻ ദുരന്തം

സ്വന്തം ലേഖിക

കോട്ടയം: കളത്തിപ്പടിയിൽ വീട്ടു മുറ്റത്ത് പാർക്ക് ചെയ്തിരുന്ന കാറിലേയ്ക്ക് തെങ്ങു മറിഞ്ഞ് വീണു. കളത്തിപ്പടി കിടാരത്തിൽ ജിനുവിന്റെ കാറിന് മുകളിലാണ് തെങ്ങ് വീണത് .

ഞായറാഴ്ച രാവിലെയാണ് സംഭവം .പൊൻപള്ളി പള്ളിയ്ക്ക് അരികിലുള്ള വീടിനു സമീപം പാർക്ക് ചെയ്തിരുന്ന കാറിലേക്ക് ആണ് തെങ്ങ് കടപുഴുകി വീണത് .ഈ സമയം കാറിനരികിൽ ജിനുവും കുടുംബവും ഇല്ലാതിരുന്നതിനാൽ വൻ ദുരന്തമാണ് ഒഴിവായത് .

ജില്ലയിൽ കനത്ത മഴയിലും കാറ്റിലും വിവിധ സ്ഥലങ്ങളിൽ അപകടങ്ങൾ വർധിക്കുന്നു .ശനിയാഴ്ച റോഡരികിൽ പാർക്ക് ചെയ്തിരുന്ന കാറിന് മുകളിൽ തെങ്ങ് വീണു. ഏറ്റുമാനൂർ കോടതിയിലെ അഭിഭാഷകന്റെ കാറിന് മുകളിലേക്കാണ് റോഡിന് സമീപത്തെ പുരയിടത്തിലെ തെങ്ങ് കടപുഴകി വീണത്.

കാറിന്റെ മുകൾഭാഗവും ചില്ലുകളും തകർന്നു.കാർ നിർത്തിയിട്ട  ശേഷം  വിജയചന്ദ്രൻ കോടതിയിലേക്ക് പോയ സമയത്താണ് തെങ്ങ് മറിഞ്ഞത്.ഈ സമയം കാറിന് സമീപത്ത് കൂടി നടന്നു പോയ യാത്രക്കാരൻ അത്ഭുതകരമായി രക്ഷപ്പെട്ടു.കോട്ടയത്ത് നിന്നും ഫയർഫോഴ്സ് സംഘം എത്തി കാറിനു മുകളിൽ കിടന്ന തെങ്ങ് മുറിച്ചു മാറ്റി.