എറണാകുളത്തെ ഹോട്ടലിലും വാഗമണ്ണിലും അഭിഭാഷകയെ എത്തിച്ച്​ ലൈം​ഗിക ബന്ധത്തിലേർപ്പെട്ടു; പിന്നീട് വിവാഹ വാഗ്ദാനത്തിൽ നിന്ന്​ പിന്മാറി; ഹൈക്കോടതിയിലെ അഭിഭാഷകന്റെ ജാമ്യാപേക്ഷ തള്ളി

സ്വന്തം ലേഖകൻ

കൊച്ചി: യുവ അഭിഭാഷകയെ പീഡിപ്പിച്ച കേസിൽ അറസ്​റ്റിലായ അഭിഭാഷകൻറെ ജാമ്യാപേക്ഷ തള്ളി. എറണാകുളം അഡീഷനൽ സെഷൻസ്​ കോടതിയാണ് അ‌ഭിഭാഷകന്റെ ജാമ്യാപേക്ഷ തള്ളിയത്.

ഹൈകോടതിയിലെ അഭിഭാഷകൻ പുത്തൻകുരിശ്​ കാണിനാട്​ സ്വദേശി നവനീത്​ എൻ. നാഥാണ് കേസിൽ അ‌റസ്റ്റിലായത്. അഭിഭാഷകയുടെ പരാതിയിൽ 21ന്​ അറസ്​റ്റിലായ ഇയാൾ ജുഡീഷ്യൽ കസ്​റ്റഡിയിലാണ്​.

എറണാകുളത്തെ ഹോട്ടലിലും വാഗമണ്ണിലും അഭിഭാഷകയെ എത്തിച്ച്​ ലൈം​ഗിക ബന്ധത്തിലേർപ്പെട്ടു. ഇതിന്ശേഷം പ്രതി വിവാഹവാഗ്ദാനത്തിൽ നിന്ന്​ പിന്മാറിയതിനെത്തുടർന്ന്​ യുവതി ആത്​മഹത്യക്ക്​ ശ്രമിച്ചിരുന്നു. സുഹൃത്തുക്കൾ ആശുപത്രിയിലെത്തിച്ചശേഷമാണ്​ യുവതി പൊലീസിൽ പരാതി നൽകിയത്​.