പ്ലസ് വൺ പ്രവേശനം; എല്ലാ വിദ്യാർത്ഥികൾക്കും പ്രത്യേക ജാതി സർട്ടിഫിക്കറ്റ് ആവശ്യമില്ലെന്ന് പൊതുവിഭ്യാഭ്യാസവകുപ്പ് ഡയറക്ടർ

സ്വന്തം ലേഖകൻ

തിരുവനന്തപുരം: പ്ലസ് വൺ പ്രവേശനത്തിന് എല്ലാ വിദ്യാർത്ഥികൾക്കും പ്രത്യേക ജാതി സർട്ടിഫിക്കറ്റ് ആവശ്യമില്ലെന്ന് പൊതുവിഭ്യാഭ്യാസവകുപ്പ് ഡയറക്ടർ അറിയിച്ചു. എസ്എസ്എൽസി പാസ്സായ വിദ്യാർത്ഥികൾ കൂട്ടത്തോടെ ജാതി സർട്ടിഫിക്കറ്റ് അപേക്ഷയുമായി വില്ലേജ് ഓഫീസുകളെ സമീപിക്കുന്ന സാഹചര്യത്തിലാണ് പൊതുവിദ്യാഭ്യാസ ഡയറക്ടർ ഇക്കാര്യത്തിൽ വ്യക്തത വരുത്തിയത്.

പ്ലസ് വൺ പ്രവേശനത്തിന് നേറ്റിവിറ്റിയും ജാതിയും തെളിയിക്കാൻ കുട്ടികളുടെ കൈവശമുള്ള എസ്എസ്എൽസി സർട്ടിഫിക്കറ്റ് മതിയാവും എന്നും അതിൽ വിലാസവും ജാതിയും രേഖപ്പെടുത്തിയിട്ടുണ്ടെന്നും പൊതുവിദ്യാഭ്യാസഡയറക്ടർ വിശദീകരിക്കുന്നു.

പ്രത്യേക സംവരണ സ്‌കോളർഷിപ്പ് ആനുകൂല്യങ്ങൾ ഉള്ള പട്ടികജാതി/പട്ടികവർഗ്ഗ വിഭാഗം വിദ്യാർത്ഥികളും ഒ.ഇ.സി വിഭാഗത്തിൽ ഉൾപ്പെട്ട വിദ്യാർത്ഥികളും മാത്രം വില്ലേജ് ഓഫീസിൽ നിന്നുള്ള ജാതി സർട്ടിഫിക്കറ്റ് അഡ്‌മിഷനായി ഹാജരാക്കിയാൽ മതി.