ബാലുശ്ശേരിയിൽ ‍ഡിവൈഎഫ്ഐ പ്രവർത്തകനെ മർദ്ദിച്ച സംഭവം; കസ്റ്റഡിയിലായവരുടെ എണ്ണം അഞ്ചായി; മറ്റ് പ്രതികൾക്കായി അന്വേഷണം ഊ‍ർജിതമാക്കി പൊലീസ്

സ്വന്തം ലേഖകൻ

കോഴിക്കോട്: ബാലുശ്ശേരിയിൽ ‍ഡിവൈഎഫ്ഐ പ്രവർത്തകനെ മർദ്ദിച്ച സംഭവത്തിൽ കസ്റ്റഡിയിലായവരുടെ എണ്ണം അഞ്ചായി.

തിരുവോട് സ്വദേശികളായ മുഹമ്മദ്‌സാലി, മുഹമ്മദ്‌ ഇജാസ് തുടങ്ങിയവരെയാണ് ബാലുശ്ശേരി പൊലീസ് കസ്റ്റഡിയിൽ എടുത്തത്. ഇവരുടെ അറസ്റ്റ് ഉടനെ രേഖപ്പെടുത്തിയേക്കും.

സംഭവത്തിൽ 29 പേ‍ർക്കെതിരെയാണ് ബാലുശേരി പൊലീസ് ജാമ്യമില്ലാ വകുപ്പ് പ്രകാരം കേസെടുത്തത്. രാഷ്ട്രീയവിരോധമാണ് ആക്രമണത്തിന് കാരണമായതെന്ന് എഫ്‌ഐആറിൽ പറയുന്നു. അക്രമിസംഘം ജിഷ്ണുവിനെ വെള്ളത്തിൽ മുക്കി കൊല്ലാൻ ശ്രമിച്ചെന്നും ജാതിപ്പേര് പറഞ്ഞ് അധിക്ഷേപിച്ചെന്നും എഫ്‌ഐആറിലുണ്ട്.

കസ്റ്റഡിയിൽ ഉളളവരുടെ രാഷ്ട്രീയ ബന്ധം പൊലീസ് ഇതുവരെ വെളിപ്പെടുത്തിയിട്ടില്ല. മറ്റ് പ്രതികൾക്കായി അന്വേഷണം ഊ‍ർജിതമാക്കിയെന്ന് പൊലീസ് അറിയിച്ചു.