വിവാഹം കഴിഞ്ഞിട്ട് ഒരു വർഷം; പുലര്‍ച്ചെ വീട്ടില്‍ നിന്നും കാണാതായ നിജിഷയെ കണ്ടെത്തുന്നത് പുഴയില്‍ മരിച്ച നിലയിലും; സംഭവിച്ചതെന്തെന്ന് അറിയാതെ നാടും കുടുംബവും..

സ്വന്തം ലേഖിക

Link

Embed

Copy and paste this HTML code into your webpage to embed.

തൃശൂര്‍: നിജിഷയുടെ മരണ വാര്‍‌ത്തയില്‍ നടുങ്ങിയിരിക്കുകയാണ് നാട്.

വെങ്കിടങ്ങ് തണ്ടഴിപാടം പൊതുശ്മശാനത്തിന് സമീപം താമസിക്കുന്ന ആരി വീട്ടില്‍ ഹരികൃഷ്ണ​ന്റെ ഭാര്യയാണ് നിജിഷ.
കഴിഞ്ഞ വര്‍ഷം ജൂണ്‍ 22 നാണ് ഇവരുടെ വിവാഹം കഴിഞ്ഞത്.

യുവതിയുടെ മരണത്തിന് പിന്നിലെ കാരണം ഇതുവരെ പുറത്ത് വന്നിട്ടില്ല.
‌ബുധനാഴ്ച പുലര്‍ച്ചെ വീട്ടിൽ നിന്നും കാണാതായ നിജിഷയെ പാവറട്ടി പൊലീസും, അഗ്‌നിശമന സേനയും നാട്ടുകാരും നടത്തിയ അന്വഷണത്തില്‍ കണ്ടെത്താനായിരുന്നില്ല.

പിന്നീട് നടത്തിയ തിരച്ചിലിലാണ് രാവിലെ പത്തരയോടെ ഏനാമാവ് റെഗുലേറ്ററിന് സമീപം പുഴയില്‍ യുവതിയുടെ മൃതദേ​ഹം കണ്ടെത്തുന്നത്.
ഗുരുവായൂര്‍ സി ഐ, എം കെ രമേഷിന്റെ നേതൃത്വത്തിലുള്ള പൊലീസ് സംഘം സ്ഥലത്തെത്തി. മൃതദേഹം ഇന്‍ക്വസ്റ്റ് നടത്തി പോസ്റ്റുമോര്‍ടത്തിനായി മെഡികല്‍ കോളജ് ആശുപത്രിയിലേക്ക് മാറ്റി.