സ്വന്തം ലേഖിക
കൊച്ചി: ബലാത്സംഗ കുറ്റങ്ങള് ചുമത്തുന്നതില് ലിംഗവിവേചനം പാടില്ലെന്ന് കേരള ഹൈക്കോടതി.
വിവാഹമോചിതരായ ദമ്പതികള് തങ്ങളുടെ കുട്ടിയുടെ സംരക്ഷണത്തെ സംബന്ധിച്ച് നല്കിയ ഒരു ഹര്ജിയില് തീര്പ്പ് കല്പ്പിക്കുമ്പോഴാണ് കോടതി ഇത്തരമൊരു നിരീക്ഷണം നടത്തിയത്. ജസ്റ്റിസ് എ.മുഹമ്മദ് മുഷ്തയാണ് അഭിപ്രായപ്രകടനം നടത്തിയത്.
Whatsapp Group 1 | Whatsapp Group 2 |Telegram Group
ഭര്ത്താവ് ഒരിക്കല് ബലാത്സംഗക്കേസില് പ്രതിയാണെന്ന കാര്യം ഭാര്യ കോടതിയില് ഉന്നയിച്ചു. എന്നാല് ഇയാള് ഇപ്പോള് ജാമ്യത്തിലാണെന്നും വ്യാജ വിവാഹ വാഗ്ദാനത്തില് ലൈംഗികാരോപണം ഉന്നയിച്ചതിന്റെ അടിസ്ഥാനത്തിലായിരുന്നു പ്രസ്തുത കേസെന്നും ഭര്ത്താവിന്റെ അഭിഭാഷകന് വാദിച്ചു.
തുടര്ന്നാണ് ജസ്റ്റിസ് എ മുഹമ്മദ് മുഷ്താഖ് ഈ പരാമര്ശം നടത്തിയത്.
ഇന്ത്യന് ശിക്ഷാനിയമത്തിലെ 376-ാം വകുപ്പിന് (ബലാത്സംഗത്തിനുള്ള ശിക്ഷ) ലിംഗ സമത്വമില്ലെന്ന് ഹൈക്കോടതി വാക്കാല് പരാമര്ശം നടത്തി. 376ാം വകുപ്പില് ലിംഗ സമത്വമില്ല. വിവാഹ വാഗ്ദാനം നല്കി ഒരു സ്ത്രീ പുരുഷനെ കബളിപ്പിച്ചാല്, അവള്ക്കെതിരെ നടപടിയെടുക്കാന് കഴിയില്ല. എന്നാല് ഒരു പുരുഷന് സമാനമായ കുറ്റം ചെയ്താല് അയാളുടെ പേരില് കേസ് ചുമത്തപ്പെടും. ഇത് എന്ത് നിയമമാണ്. നിയമം ലിംഗ സമത്വമുള്ളതായിരിക്കണം എന്ന് ജസ്റ്റിസ് മുഹമ്മദ് മുഷ്താഖ് ചൂണ്ടിക്കാട്ടി.
