ലക്ഷദ്വീപിന് സമീപത്തു നിന്ന് ആയിരം കോടി വിലമതിക്കുന്ന ഹെറോയിന്‍ പിടികൂടി; മലയാളികള്‍ അടക്കം 20 പേര്‍ കസ്റ്റഡിയില്‍

സ്വന്തം ലേഖകൻ

കൊച്ചി: ലക്ഷദ്വീപിന് സമീപം അഗത്തിക്കടുത്തുള്ള പുറംകടലില്‍ വന്‍ ഹെറോയിന്‍ വേട്ട.

ആയിരം കോടി വിലമതിക്കുന്ന 220 കിലോയുടെ ഹെറോയിന്‍ ആണ് കോസ്റ്റ് ഗാര്‍ഡും റവന്യൂ ഇന്റലിജന്‍സും സംയുക്തമായി നടത്തിയ പരിശോധനയില്‍ പിടികൂടിയത്.

മലയാളികളും തമിഴ്നാട് സ്വദേശികളും അടങ്ങിയ 20 പേരുടെ സംഘത്തെ സംഭവവുമായി ബന്ധപ്പെട്ട് പിടികൂടി. തമിഴ്നാട്ടില്‍ നിന്നുള്ള മീന്‍പിടിത്ത ബോട്ടില്‍ നിന്നാണ് മയക്കുമരുന്ന് സംഘത്തെ പിടികൂടുന്നത്.