ഭാര്യയെ പെട്രോൾ ഒഴിച്ച് തീകൊളുത്തി കൊലപ്പെടുത്തിയ കേസ്; പ്രതിക്ക് ജീവപര്യന്തം കഠിന തടവിനും ഒരു ലക്ഷം രൂപ പിഴ അടയ്ക്കാനും കോടതിവിധി

സ്വന്തം ലേഖകൻ

തൃശ്ശൂര്‍: ഭാര്യയെ പെട്രോൾ ഒഴിച്ച് തീകൊളുത്തി കൊലപ്പെടുത്തിയ കേസിലെ പ്രതിക്ക് ജീവപര്യന്തം കഠിന തടവിനും ഒരു ലക്ഷം രൂപ പിഴ അടയ്ക്കാനും കോടതിവിധി. പുല്ലഴി സ്വദേശി ജോൺസനെയാണ് തൃശൂർ ഒന്നാം അഡീഷ്ണല്‍ – സെഷന്‍സ് കോടതി ശിക്ഷിച്ചത്.

പിഴ അടച്ചില്ലെങ്കില്‍ രണ്ട് വര്‍ഷം കൂടി അധികം ശിക്ഷ അനുഭവിക്കണം.

2014 ഫെബ്രുവരി 3ന് പുലര്‍ച്ചെയാണ് ഭാര്യ മേഴ്‌സിയെ ഇയാള്‍ കൊലപ്പെടുത്തിയത്. കേസിൽ പ്രോസിക്യൂഷൻ ഭാഗത്ത് നിന്ന് 17 സാക്ഷികളും 25 രേഖകളും 18 ഓളം മെറ്റീരിയൽ ഒബ്ജക്റ്റും ഹാജരാക്കി.