തൊടുപുഴയില്‍ ജോലി വാഗ്ദാനം ചെയ്ത് പതിനേഴുകാരിയെ പതിനഞ്ച്‌പേര്‍ ചേര്‍ന്ന് കൂട്ടബലാത്സംഗം ചെയ്തു; പെണ്‍കുട്ടി ഗര്‍ഭിണി; പത്ത് പ്രതികളെ തിരിച്ചറിഞ്ഞു; ആറ് അറസ്റ്റില്‍

സ്വന്തം ലേഖകന്‍

ഇടുക്കി: തൊടുപുഴയില്‍ പതിനേഴുകാരിയെ പതിനഞ്ച് പേര്‍ ചേര്‍ന്ന് കൂട്ട ബലാത്സംഗം ചെയ്തതായി പരാതി. 10 പ്രതികളെ പെണ്‍കുട്ടി തിരിച്ചറിഞ്ഞു. ഇതില്‍ ആറ് പേരെ പൊലീസ് അറസ്റ്റ് ചെയ്തു.

ജോലി വാഗ്ദാനം ചെയ്ത് കൂട്ടബലാത്സംഗത്തിന് ഇരയാക്കിയതായാണ് പെണ്‍കുട്ടിയുടെ പരാതി. പെണ്‍കുട്ടി ഗര്‍ഭിണിയാണെന്ന് പൊലീസ് പറഞ്ഞു.

പെരുന്തല്‍മണ്ണ സ്വദേശി ജോണ്‍സണ്‍, കുറിച്ചി സ്വദേശി തങ്കച്ചന്‍, കുമാരമംഗലം സ്വദേശി ബേബി, കല്ലൂര്‍കാട് സ്വദേശി സജീവ്, കാരിക്കോട് സ്വദേശി ബഷീര്‍, കോടിക്കുളം സ്വദേശി തോമസ് ചാക്കോ എന്നിവരെയാണ് പൊലീസ് അറസ്റ്റ് ചെയ്തത്. മറ്റ് പ്രതികള്‍ക്കായി അന്വേഷണം ഊര്‍ജിതമാക്കിയിട്ടുണ്ട്.