ദേശീയ പണിമുടക്ക് ദിനത്തില്‍ തിരൂരില്‍ ഓട്ടോ ഡ്രൈവറെ ആക്രമിച്ച സംഭവം; അഞ്ച് പേർ അറസ്റ്റിൽ

സ്വന്തം ലേഖകൻ

മലപ്പുറം: ദേശീയ പണിമുടക്ക് ദിനത്തില്‍ തിരൂരില്‍ ഓട്ടോ ഡ്രൈവറെ ആക്രമിച്ച സംഭവത്തിൽ 5 പേര്‍ അറസ്റ്റിലായി. സിഐടിയു, എസ്ടിയു, എഐടിയുസി പ്രവര്‍ത്തകരെയാണ് പൊലീസ് കസ്റ്റഡിയില്‍ എടുത്തിരിക്കുന്നത്.

ഓട്ടോ ഡ്രൈവറായ യാസറിന് നേരെയാണ് ആക്രമണമുണ്ടായത്. പണിമുടക്ക് ദിവസം രോഗിയുമായി പോകുകയായിരുന്നു യാസറിനെ പ്രവര്‍ത്തകര്‍ തടഞ്ഞു നിര്‍ത്തി മര്‍ദ്ദിക്കുകയായിരുന്നു.

ദേശീയ പണിമുടക്കിനെ തുടര്‍ന്ന് സംസ്ഥാനത്തിന്‍റെ വിവിധ വ്യാപകങ്ങളില്‍ വാഹനം തടയുന്നതും കടയടപ്പിക്കുന്നതുമടക്കം സംഘര്‍ഷങ്ങള്‍ അരങ്ങേറിയിരുന്നു.