കോട്ടയം കാരാപ്പുഴ അമ്പലക്കടവ് ദേവി ക്ഷേത്രത്തിലെ നൂറ്റാണ്ടുകൾ പഴക്കമുള്ള ആൽമരം കടപുഴകി വീണു ;കനത്ത കാറ്റിലും മഴയിലുമാണ് ആൽമരം നിലംപതിച്ചത്; സമീപത്തെ വീടുകളുടെ മതിലുകൾക്കും കേടുപാടുകൾ സംഭവിച്ചു

സ്വന്തം ലേഖിക

കോട്ടയം :കാരാപ്പുഴ അമ്പലക്കടവ് ദേവീക്ഷേത്രത്തിലെ നൂറ്റാണ്ടുകൾ പഴക്കമുള്ള ആൽമരം നിലംപതിച്ചു .ബുധനാഴ്ച വൈകുന്നേരമുണ്ടായ അതി ശക്തമായ കൊടുങ്കാറ്റിലും മഴയിലുമാണ് ആൽമരം മറിഞ്ഞു വീണത് .

ഇതേ തുടർന്ന് ക്ഷേത്രത്തിലെ മതിലുകളും സമീപത്തുണ്ടായിരുന്ന രണ്ട് വീടുകളുടെ മതിലുകളും പൂർണമായി നശിച്ചിട്ടുണ്ട് .

സ്ഥലത്ത് വൈദ്യുതി ബന്ധം പൂർണമായും തകരാറിലായ നിലയിലാണ് .കോട്ടയം യൂണിറ്റ് ഫയർ ഫോഴ്സ് സംഭവ സ്ഥലത്തെത്തി മരച്ചില്ലകൾ വെട്ടി മാറ്റി .